Dielulula 30:2 - MUKANDA WA MYIDI MUKULU

² Nuenu ne ndelanganyi yenu, nenupingane kabidi kudi Maweja-Nangila, bua kukumbaja meyi ende ne mikenji yende, bindi nnumanyisha lelu ebi. Nenubitumikile ne muoyi mujima, ne bukole buenu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

² ne hanuakudimuna mitshima yenu kudi Yehowa, Nzambi wenu, bua kutumikila mei andi ne mitshima yenu yonso ne mioyo yenu yonso, bu munakunuambila lelu, ne nuenu ne bana benu;

Dielulula 30:2 Σταυροειδείς Αναφορές

Nehemya 1:9

Kadi, nuenu bapingane kundi, bakumbaje mikenji yanyi, nansha nuenu mu bupika ku ndekelu kua buloba, meme nennukebe, nnupingaje muaba umvua mumane kusungula bua meme kusomba.’

Muadi 3:40

Tudikonkayi menemene bua nsombelu wetu, tupinganayi kudi Maweja-Nangila.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

Efeze 6:24

Dinanga dia Mvidi Mukulu dikale munda mua bonsu badi bananga Mfumu wetu Yezu Kristu, dibafikisha ku muoyi wa kashidi.

2 Korente 3:16

Kadi Mukanda wa tshijila udi wamba ne: “Padi muntu umonangana ne Maweja-Nangila, badi bumusha tshilamba.”

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

Yirmeya 29:13

Nuenu bankebe ne muoyi wenu mujima, nenumpete, nennupingaje muenu.

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yirmeya 3:10

Yuda ntomboji, muanabu ne Izrayele, yeye mumane kuenza bionsu ebi, kena mupingane kundi ne muoyi mujima to, kadi amu ne miaku patupu. Meme Maweja-Nangila ndi njadika nanku.

Misambu 119:80

Nengenze biudi musue ne muoyi wanyi mujima, nanku tshiakufua bundu ku mesu kuebe to.

Misambu 41:12

Pikala muluishi wanyi katshiyi udikokola pa tshiadi, nenjadike bushuwa ne: udi munnange!

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

1 Kulondolola 29:9

Bantu bonsu bavua ne disanka, bavua baye kufila bintu ebi ne muoyi wabu mujima. Mukalenga Davide uvua ne disanka dinene.

Dielulula 13:3

tshishima atshi tshienzeka bu muvuaye munuambile, muntu awu unuambila bua kutendelela mvidie inudi kanuyi bamanye, kuyenzela mudimu,

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

2 Kulondolola 30:9

Nuenu bapingane kudi Maweja-Nangila, bantu bonsu bavua bakuate bana benu, ne bena meku enu, nebabafuile luse. Nebabalekele bua bapingane mu ditunga edi. Nanku, nuenu bapingane kudiye, Maweja-Nangila Mvidi Mukulu kakunulekela to, bualu udi muena luse ne dinanga.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Yirmeya 36:3

Misangu mikuabu bena Yuda badi mua kumvua mundi musue kubatumina makenga. Nanku nebadilengeje. Nemmone mua kubafuila luse bua bilema biabu ne mibi yabu.

Yezekiyele 6:9

Nebanwuluke munkatshi mua bisamba mudibu basombela mu bupika. Nebakuluke mumvua mubanyoke, bualu muoyi wabu uvua mumbenge. Bavua banange, batangile anu mvidie ya tshianana. Diba adi nebanyingalale bikole, nebadiwule bua malu mabi avuabu benza.

Lewitiki 26:40

“Kadi badi bashala ne muoyi abu, nebashishe kujadika muvuabu bangenzele bibi bitambe, ne mudibu, bobu ne bankambua babu, bantombokela.