Dielulula 18:6 - MUKANDA WA MYIDI MUKULU

⁶ Pikala muena Levi umuka mu tshimenga tshia bena Izrayele mudiye musombe, bua kuya muaba wikala Maweja-Nangila musungule,

Mukanda wa Nzambi Dihungila Dikulukulu ne Dihungila Dihia-dihia 2003

⁶ Biumuka Muena Lewi ku umue wa misoko ya mu Isalele, muakadiye ushikama, bua kubuela ne mutshima wandi wonso mu muaba udi Yehowa Usungula,

Dielulula 18:6 Σταυροειδείς Αναφορές

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

1 Petro 5:2

nuludike bu balami ba nsongu mikoku idi Mvidi Mukulu munupe. Mvidi Mukulu udi musue bua nuyilame bimpe ne muoyi wenu mujima, kanuyi ne tshimfulamuoyi. Nuenze mudimu muenu muonsu, kabidi ne disanka, kanuyi nukeba biuma.

1 Timote 3:1

Bindi ndongesha ebi bidi bilelela: padi muntu ujinga kupeta mudimu wa bulombodi mu Tshisumbu tshia bena ditaba, udi musue mudimu muimpe mutambe.

Misambu 84:10

Eyi, Mvidi Mukulu, mukalenga wetu ne ngabu wetu, akidila muntu webe uudi mujidile.

Misambu 84:5

Diakalenga ndia badi basomba mu nzubu muebe, bakutumbisha amu kukutumbisha diba dionsu.

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Misambu 26:8

Maweja-Nangila, ndi mumanye nzubu uudi musombe, muaba uudi utuleja lumu luebe.

Dielulula 16:2

Nanku nyama ya mu bikumbi inudi mua kulambula mu tshibilu etshi nyoyi eyi: ngombe, mikoku ne mbuji. Kadi nuyilambule anu muaba wikalaye musungule bua nuenu kumonangana nende.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 18:7

neenzele Maweja-Nangila Mvidi Mukulu wende mudimu muaba awu, anu bu mudibu benza kudi bena Levi bakuabu badi benza mudimu mu nzubu wa Mvidi Mukulu.

Dielulula 12:14

Milambu ayi, nuyilambuile anu muaba wa tshijila wikale Maweja-Nangila musungule mu buloba bua tshisamba tshimue tshia ku bisamba bienu. Muaba awu, ke unudi mua kukumbajila bionsu bindi nnuambila.