Dibadika 6:2 - MUKANDA WA MYIDI MUKULU

² bua amanyishe bena Izrayele ne: — Pikala mulume nansha mukaji ulaya bua kudijidila bu muena nazire, bua kungenzela meme Maweja-Nangila mudimu,

Mukanda wa Nzambi Dihungila Dikulukulu ne Dihungila Dihia-dihia 2003

² Wambile Bena Isalele ne, Biatshiha nansha mulume nansha mukashi kuditshiha kua Munazi bua kudijidila kudi Yehowa,

Dibadika 6:2 Σταυροειδείς Αναφορές

Ekesode 33:16

Kabidi mmunyi mudi bantu mua kumanya ne: meme ne bena Izrayele tudi bapete diakalenga kuudi, paudi kuyi munkatshi muetu? Bua tuetu kushilangana ne bisamba bikuabu, anu wewe muikale munkatshi muetu.

Nsumuinu 18:1

Muntu udi udinanga, udi udilamuna kudi bakuabu. Udi ufika munda padibu bafila meji makuabu.

Yirmeya 35:6

Kadi bobu kuandamuna ne: — Katuena tunua maluvu a mvinyo to, bualu nkambua wetu Yonadabe, muana wa Rekabe, uvua mutuelele mukenji ne: Kanuena mua kunua maluvu a mvinyo, nansha nuenu, nansha bana benu.

Lewitiki 20:26

“Nuikale bantu ba tshijila, badi bajidila mua kungenzela mudimu, bualu meme Maweja-Nangila ndi wa tshijila. Ndi munusungule munkatshi mua bisamba bikuabu, bua nuikale bantu banyi meme.

Lewitiki 27:2

bua amanyishe bena Izrayele mikenji idi ilonda eyi ne: “Padi muntu mulaye Maweja-Nangila bua kumulambula muntu, udi mua kukumbaja dilaya diende pa kufuta bungi kampande bua nkanu ya tshiamu tshitoke tshia mushinga mukole, pa mutu pa muntu awu:

Dibadika 30:3

“Pikala muntu mulaye bua kulambula Maweja-Nangila mulambu, nansha mutshipe bua kujila tshintu, udi ne bua kukumbaja bimpe bionsu bidiye mulaye abi.

Dibadika 6:1

Maweja-Nangila kutuma Moshe,

Luke 1:15

Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Bienzedi 18:18

Polu kushala kabidi matuku makumbane mu Korente. Pashishe kulayanganaye ne bena ditaba. Yeye, Priskila ne Akuila, kubuela mu majuwa, kuya ku Siriya. Bangabanga ne kubuela mu majuwa mu Kenkreya, Polu uvua mukunguishe mu mutu, bualu uvua muenze dilaya.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Ngalate 1:15

Kadi bu mudi Mvidi Mukulu munnange, ukavua mudianze kunsungula, kabayi banji kundela, bua meme kumukuatshila mudimu.

Ebrewu 7:27

Yeye kena bu batuangaji banene bakuabu. Kena ne bua kulambula milambu ku dituku ku dituku, diambedi bua mibi yende, pashishe bua ya bantu bakuabu to. Uvua mulambule mulambu musangu umue bua kashidi, pavuaye mudilambule yeye mene.

Balombodi 13:14

kena mua kulabula bintu bidi bifuma ku mutshi wa mvinyo. Kena mua kunua maluvu makole, nansha a mvinyo mene. Kena mua kudia tshintu tshidi ne mikiya. Mukajebe akumbaje bionsu bindi muambe abi bimpe.

Balombodi 13:4

Bituadije mpindiewu, udilame bimpe. Kunu maluvu a mvinyo, nansha ma-luvu makole makuabu. Kudi tshintu tshidi ne mikiya.

Balombodi 13:5

Bualu newimite difu, neulele muana wa balume. Nsongalume ewu, kabena mua kumukosa nsuki to. Bualu yeye kayi muanji kuledibua, mmumane kujidila kudi Mvidi Mukulu. Yeye ke watuadija kusungila bena Izrayele mu bianza bia bena Peleshete.

Balombodi 16:17

Nanku kujinguluilaye Dalila bualu abu, umuambila ne: — Nsuki yanyi kabena banji kuyikosa to, bualu meme ndi mujidila kudi Mvidi Mukulu diambedi, tshiyi muanji kuledibua. Bobu bankose nsuki yanyi, tshiakuikala ne bukole to. Nengikale bu bantu bonsu.

1 Samuele 1:28

Nanku meme panyi ndi musue kumufila kudi Maweja-Nangila kashidi. Neashale anu muena mudimu wende. Ke bena diku diende bonsu kukukuila Maweja-Nangila.