Dibadika 32:13 - MUKANDA WA MYIDI MUKULU

¹³ Nanku Maweja-Nangila mmufikile bena Izrayele bonsu munda, mubaladike mu tshipela bidimu makumi anayi, bua bantu bonsu bavua bamutombokela abu babutuke.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yehowa wakadi ne tshiji kudi Isalele ne wakabende sha eku ne eku mu tshihela to bidimu makumi anai tô ne hakafua bantu bonso ba tshikondo atshi, bakadi benze bualu ebu bubi ku mesu kua Yehowa.

Dibadika 32:13 Σταυροειδείς Αναφορές

1 Korente 10:5

Kadi nansha bobu benze nanku, bavule ba kudibu kabavua balengelela Mvidi Mukulu. Ke muvuabu bafuile mu tshipela.

Misambu 78:33

Nenku kubajimijaye diakamue, kubashipa bonsu musangu umue.

Dibadika 14:32

Nanku, nuenu nenufuile bonsu amu mu tshipela emu.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Misambu 107:4

Kulalakanabu mu tshipela, mu njila ya lusenga, nanshabu kumona njila wa kuya ku musoku uvua bantu basombe.

Ekesode 16:35

Bena Izrayele kudia mana awu bidimu makumi anayi, too ne ku difika diabu mu ditunga divua bantu base, nanku too ne papitabu ku mikalu ya ditunga dia Kenaane.

Balombodi 2:14

Maweja-Nangila kufikila bena Izrayele munda. Kavua ubambuluisha kabidi to. Ke muvua bena buenzayi biba bintu bia bena Izrayele bionsu. Maweja-Nangila kufila bena Izrayele mu bianza bia baluishi bavua nabu mutumba. Bena Izrayele kabavua ne mushindu wa kutuila baluishi babu nkanana to.

Balombodi 2:20

Maweja-Nangila kufikila bena Izrayele munda, kuamba ne: — Bantu ba mu tshisamba etshi, mbanyangakaje ndondu umvua muambile bankambua babu bua kumunemeka. Kabena bantumikila to.

Misambu 95:10

Bantu ba mu tshikondu atshi kuntonda, bidimu makumi anayi, meme kuela meji ne: Bantu aba mbatomboke, kabena bamanye tshimvua ntekemena kudibu.

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Amosa 2:10

Nkavua mudianjile kunupatula mu Ejipitu, meme kuenda nenu mu tshipela bidimu makumi anayi, meme kunuludika bimpe, kunufikisha mu ditunga dia bena Amore bua nudikuate.