Dibadika 15:30 - MUKANDA WA MYIDI MUKULU

³⁰ “Kadi muena Izrayele nansha muenyi, udi wenza bualu bubi ku bukole, udi upenda Maweja-Nangila. Nebamumushe munkatshi mua bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Kadi muntu udi wenza bualu bubi ne mutshima mukole nansha muntu mulela munkatshi muenu nansha muenyi, muntu au udi uhenda Yehowa, nebamumushe munkatshi muabo.

Dibadika 15:30 Σταυροειδείς Αναφορές

Ebrewu 10:26

Bualu tuetu tukadi bamane kumanya bulelela. Nanku patudi tutungunuka ku bukole ku dienza malu mabi, kakuena mulambu mukuabu udi mua kujimija mibi.

Misambu 19:13

Bantu bonsu badi batupakana. Umfuile luse bua bilema bindi muenze mu mpukapuka.

Dielulula 1:43

Meme kunuambila bionsu abi. Kadi nuenu kubenga, ditambisha kunuenza. Nuenu kutombokela Maweja-Nangila, kuya anu ku mikuna ayi.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Matayi 12:32

Muntu udi upenda Muana wa muntu, nebajimije mibi yende. Kadi udi wamba Mueyelu wa Tshijila bibi, kabena mua kujimija mibi yende, nansha panu, nansha matuku atshidi kumpala.

2 Petro 2:10

Neanyoke nangananga badi balonda majinga mabi a buntu buabu panu, babenga bumfumu bua Mvidi Mukulu. Balongeshi ba dishima bamvua mubambile aba, badi bantu ba dikamakama, badiambi. Kabena banemeka bifukibue bia lumu bidi mu diulu, kadi badi babipetula.

Misambu 89:51

Maweja-Nangila, uvuluke bipendu, bidi bantu ba bungi bampenda, meme muena mudimu webe. Uvuluke mundi ngangata mu mubidi wanyi bipendu biabu.

Misambu 79:12

Maweja-Nangila, bisamba bitudi nabi mutumba bidi bikuluisha, ubipingajile misangu muanda mutekete bipendu biabu, bivuabu bakupenda.

Misambu 74:22

Mvidi Mukulu wanyi, juka, udiakajile bualu buebe. Vuluka mudi bantu batatakane aba bakupenda diba dionsu.

Misambu 74:18

Maweja-Nangila, vuluka mudi muluishi ukufunyina, mudi bantu batatakane aba bakuseka.

Dibadika 9:13

Kadi pikala muntu kayi muye ku luendu, nansha kayi ne mikiya bua tshitalu tshivuaye mulenge, ulengulula tshibilu tshia Dipita dia Maweja-Nangila dituku dimufundile ku bukole, muntu awu mmuena tshibawu. Numumushe munkatshi mua bena Izrayele, bualu kavua musue kulambula Maweja-Nangila milambu pa diba diayi.

Ekesode 21:14

Pikala muntu mutekete mukuende tshiji, mumushipe ku bukole ne budimu, nansha yeye ku tshilambuilu tshianyi, numukuate numushipe.

Nsumuinu 14:31

Muntu udi ukengesha mupele, udi upenda Mvidi Mukulu wakamufuka. Kadi udi umuambuluisha, udi unemeka wakamufuka.

Misambu 69:9

Nkadi muenyi munkatshi mua bena diku dietu, nansha bana ba tatu mene kabatshiena bammanye.

Lewitiki 20:10

“Muntu yonsu udi ubuelela mukaji wa bende mu nzubu, babashipe bonsu babidi, muena tshibawu kabidi ne mukaji awu.

Lewitiki 20:6

“Padi muntu ubukisha lubuku lua mishindu yonsu, bua kumvua mudi bakishi bamba, udi mufuanangane ne muntu udi utendelela mvidie. Nanku nemmunyoke, mmuipate munkatshi mua bena Izrayele.

Lewitiki 20:3

Kabidi meme Maweja-Nangila nennyoke muntu awu. Nemmuipate munkatshi mua bena Izrayele, bualu mmulambule mvidie wa Moleke muanende. Mulambu wa mushindu awu, udi upisha muaba wanyi wa tshijila mikiya, upepeja dina dianyi dia tshijila.

Genese 17:14

Kadi muntu mulume udibu kabayi bateke panshi, nebamuipate munkatshi mua bantu banyi, bualu kena munemeka ndondu wanyi to.

1 Yone 5:16

Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.

Dibadika 15:29

Nanku, muntu yonsu, muena Izrayele nansha muenyi, udi utupakana mu mpukapuka, nebamukobolole anu mushindu umue ewu.

Dielulula 32:27

Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.

Yobe 38:15

Kadi bantu babi kabena bamona butoke to, bualu budi bubakandika bua kabenji kabidi bibi.

Yezekiyele 20:27

— Wewe Yezekiyele, ambile bena Izrayele bindi meme Maweja-Nangila Mvidi Mukulu mbamanyisha ne: “Bankambua benu bavua bantombokela, babenge kungitaba.

Ekesode 30:33

Muntu yonsu udi wenza mafuta a mushindu ewu, bua kulaba bantu badi kabayi batuangaji, numumushe munkatshi mua bantu banyi.’ ”

1 Samuele 3:14

Nanku, ndi mumane kuditshipa bua bena nzubu wa Eli ne: nansha bobu bandambula nyama miosha, nansha bintu bia mu madimi, tshiena mua kupua bubi buabu muoyi to.