Dibadika 11:22 - MUKANDA WA MYIDI MUKULU

²² Tuetu bashipe mikoku, mbuji ne ngombe yonsu itudi nayi, nansha tuetu baloba mishipa yonsu ya mu mayi manene, kabiena mua kukumbana bantu aba to!

Mukanda wa Nzambi Dihungila Dikulukulu ne Dihungila Dihia-dihia 2003

²² Netubashihele bisumbu bia mikoko ne ngombe bua kubadisha, anyi? Netusangishe minyinyi yonso ya mu mai manene bua kubadisha, anyi?

Dibadika 11:22 Σταυροειδείς Αναφορές

Matayi 15:33

Balongi bende kumukonka ne: — Kadi mu tshipela emu, kutudi mua kupeta biakudia bikumbane bua kudisha bantu bungi nenku nkuepi?

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

Yowanane 6:9

— Kudi nsongalume muaba ewu udi ne mampa a orje atanu ne mishipa ibidi. Kadi binebi, bua bantu bungi nenku, tshienzabi ntshinyi?

Luke 1:34

Mariya kukonka mutumibue ne: — Bualu ebu nebuenzeke munyi? Bualu ntshidi kamama.

Luke 1:18

Kadi Zekarya kuebeja mutumibue ne: — Bionsu ebi nenjadike ne: mbilelela, ku tshinyi? Bualu meme nkadi mukulakaje. Mukajanyi kabidi ukadi tshikunda.

Marke 8:4

Balongi bende kumukonka ne: — Mpenyi patudi mua kupeta bia kubadisha buonsu buabu mu tshipela emu?

Marke 6:37

Ke Yezu kubandamuna ne: — Nuenu nubapeshe biakudia. Kadi bobu kumukonka ne: — Tuye kubasumbila mampa a mushinga wa nkanu nkama ibidi, bua kubadisha anyi?

Dibadika 11:13

Munyinyi wa kudia, udi bena Izrayele bonsu aba bandomba, badila ne muadi, meme ndi mua kuupeta kuepi?

Dibadika 11:21

Moshe kukema, wamba ne: — Akia! Bena Izrayele badi muaba ewu mbapite pa binunu nkama isambombu. Muudi mua kuamba ne: nembapeshe munyinyi, mbadisha ngondu mujima mbishi?

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.