2 Samuele 13:3 - MUKANDA WA MYIDI MUKULU

³ Kadi Amnone uvua ne mulunda wende mudimuke bikole, Yonadabe, muana wa Shama. Shama uvua muanabu ne Davide.

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi Amenona wakadi ne mulunda, dina diandi Yonadaba, muana wa Shimea, muanʼabo ne Davidi; Yonadaba wakadi ne budimu bukole.

2 Samuele 13:3 Σταυροειδείς Αναφορές

Genese 3:1

Nyoka uvua mudimuke mupite nyama yonsu ivua Maweja-Nangila Mvidi Mukulu mufuke. Nyoka kukonka mukaji ne: — Mbulelela menemene Mvidi Mukulu mmunukandike ne: kanudi bimuma bia mitshi yonsu idi mu lupangu anyi?

Genese 38:1

Mu tshikondu atshi, Yuda kushiyangana ne bana babu, bua kuya kusomba kua Ira, mu tshimenga tshia Adulame.

Genese 38:20

Yuda kutuma mulunda wende Ira wa mu Adulame ne mbuji wa lukungulu bua kupikula bintu biende bivuaye mueyeke mukaji awu. Kadi Ira kena musangane mukaji awu kabidi to.

2 Samuele 13:2

Nanku, Amnone kutuadija kusama, bualu kavua ne dikisha bua Tamare, muana mukuabu wa tatuende uvuaye ujinga. Amnone kavua ne mushindu wa kubuelela Tamare mu nzubu, bualu Tamare kavua muanji kumanya balume.

2 Samuele 13:32

Kadi, Yonadabe, muana wa Shama (Shama ke uvua tatuende wa Davide), kuambila Davide ne: — Mukalenga, kuedi meji ne: mbashipe bana bebe ba balume bonsu to. Mbashipe amu Amnone nkayende. Absalome uvua mumane kulaya bua kuenza bualu ebu, biangatshile dituku divua Amnone mubuelele muanabu Tamare mu nzubu ku bukole.

2 Samuele 13:4

Yonadabe kukonka Amnone ne: — Muana wa mukalenga, udi uleja mpala mubi ku dituku dionsu nunku bua tshinyi? Kuena mua kungambilaku tshidi tshikutonda anyi? Amnone kuandamuna ne: — Bualu ndi munange Tamare, muakunyi wa Absalome, muanetu wa tatu.

2 Samuele 14:2

Nanku kubikidishaye mukaji mutalame uvua ku Tekowa, umuambila ne: — Wenze bu muntu udi mu madilu. Uwale bilamba bia madilu. Kulabi manananshi to. Wikale bu mudi mukaji mushale mu madilu matuku a bungi.

2 Samuele 21:21

Kupendaye bena Izrayele. Nanku Yonatane muana wa Shama, tatuende wa Davide, kumushipa.

1 Kulondolola 2:13

Ishayi uvua ne bana ba balume muanda mutekete: Eliyabe, Abinadabe, Shama,

1 Kulondolola 27:32

Yonatane, mansebende wa Davide, uvua muntu wa lungenyi, mulonge malu mavule. Ke uvua mufidi wa ngenyi wa mukalenga Davide. Yekiyele, muana wa muena Akmoni, ke uvua mulongeshi wa bana ba mukalenga Davide.

Estere 5:10

Kadi kuanjiye kudilama, kupingana kuende. Kubikidishaye balunda bende ne muena kuende Zereshe.

Estere 5:14

Nenku, muena kuende Zereshe ne balunda bende bonsu, kumuambila ne: — Bantu bakongoluele mutshi wa bule bua metre makumi abidi ne atanu. Maloba dinda, lomba mukalenga bua boweleku Mordekayi. Nenku, neuye kufila mukalenga ne disanka mu didia amu. Amane kuanyisha lungenyi alu, kuenzeja tshiowelu.

Estere 6:13

Amane kulondela Zereshe muena kuende, ne balunda bende, bionsu bivua bienzeka abi. Ke balunda bende kumuambila ne: — Mordekayi udibu bakufuishe nende bundu awu mmuena Yuda. Nanku kuena mua kumupita. Neupete amu dikasa dibi.

Nsumuinu 19:6

Bantu ba bungi badi balabidila muntu munene. Bonsu badi badia bulunda ne tshipapayi.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

1 Korente 3:19

Bualu meji a panu adi bupale kumpala kua Mvidi Mukulu. Ke mudi Mukanda wa tshijila wamba ne: “Mvidi Mukulu udi ukuata bena meji mu buteyi bua budimu buabu.”

Yakobe 3:15

Bualu meji a nanku kaena afuma mu diulu. Adi a panu, aleja bubi bua bantu, afuma kudi diabolu.

Balombodi 14:20

Kumunyengabu mukajende; kumupeshabu nsongalume mukuabu uvua mushindikije Shimeshone mu dibaka.

1 Samuele 16:11

Ke Samuwele kukonka Ishayi ne: — Bana bebe bonsu badi muaba ewu anyi? Ishayi kuandamuna ne: — To! Nkushale anu Davide, muana a mukala, udi ulama mikoku. Samuwele kutuma diyi ne: — Muntu aye kukeba muana awu. Katuena mua kutuadija kudia bia ku mulambu, muana awu kayi muanji kufika.

1 Samuele 16:9

Ishayi kupitshisha Shama. Kadi Samuwele kuamba ne: — Maweja-Nangila kena musungule nansha ewu to.