2 Bakalenga 5:10 - MUKANDA WA MYIDI MUKULU

¹⁰ Muambi Elisha kutuma muntu bua kumuambila ne: — Uye kudiina mu mayi a Yardene misangu muanda mutekete. Disama diebe nedijike. Kuakuikala kabidi ne mikiya to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Elisha wakatuma messager wandi kudiye ne, Ya, wowe mai mu Yadene misangu muanda mutekete, musunyi webe neulue kûdi kabidi; wewe newikale muakane.

2 Bakalenga 5:10 Σταυροειδείς Αναφορές

2 Bakalenga 2:21

Elisha kuya ku mpokolu, kuela luepu mu mayi awu, wamba ne: — Maweja-Nangila, udi wamba ne: “Ndi mulengeje mayi aa. Kaena mua kushipa bantu kabidi, nansha kutudisha mafu to.”

2 Bakalenga 3:16

Elisha kutuadija kuakula, wamba ne: — Meme Maweja-Nangila ndi ngamba ne: “Imbayi biina bia bungi mu musulu udi muume,

2 Bakalenga 4:35

Elisha kujuka, kuenda mu nzubu awu, utua eku ne eku. Pashishe kulalaye kabidi pambidi pa muana. Muana kuela nyashi misangu muanda mutekete, kutabalaye.

2 Bakalenga 4:41

Ke muambi kulombesha bukula, kubuela mu nsupu, kuambila muena mudimu wende ne: — Pesha bantu aba nsupu ewu, banue! Nanku bintu bivua mu luesu bikavua bimpe, bikumbane mua kubidia.

2 Bakalenga 5:11

Namane kumuka, mufike munda, wamba ne: — Mvua ngela meji ne: muambi Elisha neapatuke mu nzubu bua kuimana kumpala kuanyi, kutendelela Maweja-Nangila Mvidi Mukulu wende, kundenga muaba udi disama dia nsudi bua kudijikija.

2 Bakalenga 5:14

Namane kuya ku Yardene, kudiina mu mayi misangu muanda mutekete, bu muvua muambi Elisha mumuambile. Nanku disama diende kujikadi. Dikoba diende kushala bu dia muana mutekete.

2 Bakalenga 5:9

Nanku Namane kuya ne ditempu dia mvita ne nyama ya tubalu, kuimana mu tshiibi tshia ku nzubu wa muambi Elisha.

Ekesode 4:18

Moshe kuya kudi tatuende muenu Yetro, kumuambila ne: — Ndi ne bua kuya kumonangana ne bana betu badi bashala mu Ejipitu bua kujadika ne: batshidi ne muoyi. Tatuende muenu kuitaba ne: — Waya bimpe.

Lewitiki 13:58

“Padibu basukula tshintu atshi, dikeji dijika, batshisukulule musangu muibidi, bua tshishale katshiyi ne mikiya.”

Lewitiki 14:16

Pashishe atue munu wende wa tshianza tshia balume, udi ulonda tshiala, mu mafuta adi mu tshianza tshiende tshia bakaji, amiamine mafuta awu ne munu misangu muanda mutekete kumpala kua Maweja-Nangila.

Lewitiki 14:51

Pashishe mutuangaji neangate nyunyi udi mushale ne muoyi, mitshi ya sedre, bilamba bienza ne miosa ya nyama bilaba kakula, ne mabeji a mutshi wa isope. Neabitue mu mashi a nyunyi uvuaye mukose muminu, ne mu mayi a mpokolu adi mu luesu. Neamiamine mashi awu ne mayi mu nzubu misangu muanda mutekete.

Lewitiki 14:7

Pashishe amiamine mashi awu pambidi pa muena nsudi misangu muanda mutekete bua kumukobolola, wamba ne: ‘Muntu ewu kena ne mikiya.’ Nenku mutuangaji alekele nyunyi uvua mushale ne muoyi, aye mu tshisuku.

Lewitiki 16:14

Arone atue munu mu mashi a ngombe mulume awu, aamiamine pa tshibuikidiji tshia mushete wa ndondu luseke ludi diba dipatukila luatshi. Atue kabidi munu, amiamine mashi kumpala kua mushete awu misangu muanda mutekete.

Lewitiki 16:19

Neatue munu mu mashi awu, aamiamine ku tshilambuilu atshi misangu muanda mutekete, bua kujikija mikiya ivuaku, bua bubi bua bena Izrayele ne bua kutshijidila tshiakabidi.

Dibadika 19:19

Mayi a tshijila awu, badi baamiamina muntu udi ne mikiya dituku disatu ne dia muanda mutekete. Bamane kumiamina mayi a dituku dia muanda mutekete, muntu awu neasukule bilamba biende, wowe mayi. Nanku mikiya yende neijike ku dilolu.

Dibadika 19:4

Elazare neatue munu mu mashi a ngombe awu, aamiamine mu mushiku wa mbelu wa ntenta wa kusambakena misangu muanda mutekete.

Yowanane 5:4

Bualu mutumibue wa Maweja-Nangila uvua upueka meba makuabu mu dijiba amu, uvundulula mayi bikole. Mubedi uvua ubuela mu mayi kumpala pavuawu avunduluka bikole, disama diende divua dijika, nansha diodi dikole bishi.]

Yowanane 9:7

Kumuambilaye ne: — Uye kuowa mayi ku mesu ku dijiba dia Silowa. (Dina adi Silowa didi diumvuija ne: “Mutumibue”.) Mpofu kuya ku dijiba, kuowa mayi ku mpala, kupingana umona.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Yoshua 6:4

Batuangaji muanda mutekete nebadianjidile kumpala kua mushete wa tshijila. Mutuangaji yonsu neikale ne mpungi. Kadi dituku dia muanda mutekete, nenunyungulule tshimenga misangu muanda mutekete. Batuangaji nebikale benda bela mpungi.