2 Bakalenga 23:29 - MUKANDA WA MYIDI MUKULU

²⁹ Patshivua Yoshiya mu bukalenga, Neko, mukalenga wa bena Ejipitu, uvua muye ne bena mvita bende ku musulu wa Perate bua kuambuluisha mukalenga wa bena Ashure. Mukalenga Yoshiya uvua musue kukanga njila, bua bena Ejipitu kabapitshi to. Kadi, kumushipabu ku Megido mu mvita ya kumpala.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mu matuku andi Palô-neko, mukelenge wa Ejipitu, wakaya ku musulu wa Pelata bua kuluanganeye ne mukelenge wa Ashû; mukelenge Yoshiya wakaluhuka bua kuluanganeye nʼandi, Palô-neko wakamushiha ku Megido hakamutangileye.

2 Bakalenga 23:29 Σταυροειδείς Αναφορές

Yirmeya 46:2

Umvuayi malu avua Mvidi Mukulu mumanyishe bua Ejipitu, ne tshiluilu tshia Neko, mukalenga wa bena Ejipitu. Neko uvua mu Karkemishe, ku muelelu wa musulu wa Perate, pavua Nebukadnesare, mukalenga wa Babilone mumutshimune. Bivua bienzeka tshidimu tshinayi tshivua Yoyakime, muana wa Yoshiya, mu bukalenga bua Yuda.

Zekâya 12:11

Dituku adi, madilu manene neikale mu Yerushalayime, amu bu muvuabu benzela madilu a Adade-Rimone mu tshibandabanda tshia Megido.

Balombodi 5:19

Bakalenga baluishi, bakalenga ba bena Kenaane, kutuadija kuluisha Tanake, pabuipi ne mpokolu ya mu Megido. Kadi, kabena bapeta tshintu, nansha nkanu mitoke ya mushinga mukole.

Didimanyisha 16:16

Mikishi kusangisha bakalenga muaba udibu binyika ne: Armagedone, mu buena ebrewu.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Muambi 8:14

Kadi badi bamba nenku, badi bakula tshianana. Bualu misangu mivule, makenga awa ne bua kukuata bantu babi, atu akuata amu bantu bimpe. Imue misangu kabidi bantu babi badi bapeta masanka awa bantu bakane ne bua kupeta. Ndi njadika ne: ebi bionsu kabidi bidi tshianana.

2 Bakalenga 24:7

Mukalenga wa bena Ejipitu kavua kabidi ne dikima bua kupatuka mu ditunga diende to. Bualu mukalenga wa bena Babilone uvua mumane kukuata maloba onsu avua kale ku bumfumu bua bena Ejipitu, avua pankatshi pa mukalu uvua ku mutu kua ditunga dia bena Ejipitu, too ne ku Perate, musulu wa bena Babilone.

2 Bakalenga 22:20

Kuakumona makenga onsu aa to. Neufue anu bimpe. Nebakujiike mu Yerushalayime.’ ” Ilkiya mutuangaji munene, ne bantu bavuaye nabu, kuyabu kuambila mukalenga Yoshiya bionsu abi.

2 Bakalenga 14:11

Kadi, Amashiya kavua muitabe bionsu bivua Yowashe mumuambile abi to. Nanku, mukalenga Yowashe, mukalenga wa bena Izrayele, kuya kuluangana ne Amashiya. Bena mvita ba Yowashe ne ba Amashiya kuluangana mu ditunga dia bena Yuda ku tshimenga tshia Bete-Shemeshe.

2 Bakalenga 14:8

Pashishe, Amashiya kutuma bantu kudi mukalenga wa bena Izrayele Yowashe, muana wa Yowakaze, ne muikulu wa Yehu. Bantu abu, kuya kuambila Yowashe ne: “Luaku tuluangane nebe.”

2 Bakalenga 9:27

Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.

1 Bakalenga 4:12

Baana, muana wa Akilude, uvua ulombola buloba bua bimenga bia Tanake ne Megido, ne buloba bujima bua Betesheyane (Buloba bua Betesheyane budi bufika ku Sartane, kuinshi kua Yizreyele. Buloba ebu mbualabale ku Betesheyane too ne ku Abele-Mekola, too ne dishiya dia Yokneyame).

Balombodi 1:27

Bena Menashe kupangila mua kuipata bena bimenga ebi: Bete-Sheyane, Tanake, Dore, Ibleyame, Megido, nansha bantu bonsu bavua basomba mu misoku ivua mutumba ne bimenga abi. Nanku bena Kenaane batshivua anu basomba mu buloba ebu.

Yoshua 17:11

Kadi mu buloba bua bena Isakare ne bua bena Ashere, bena Menashe kupeta misoku ya Bete-Sheyane, Ibleyame, ne miaba ivua nayi mutumba. Kupetatshi kabidi Dore, Ene-Dore, Tanake, Megido, ne bantu bonsu bavua basombamu, too ne miaba ivua mutumba, mmumue ne buloba bujima bua Dore.

2 Bakalenga 23:28

Malu makuabu a Yoshiya, mbaafunde mu mukanda udibu babikila ne: Malu adi bakalenga ba bena Yuda benza.

Yezekiyele 19:1

Maweja-Nangila kungambila bua kuela kasala ka madilu, bua kudila bakalenga babidi ba mu Izrayele. Meme kudila ne:

Yirmeya 22:10

Nuenu bena Yuda, kanudidi mukalenga Yoshiya uvuabu bashipe. Kanuikadi ne tshinyongopelu bualu buende. Dilayi amu mukalenga Shalume, udibu baye nende mu bupika. Bualu kakupingana kabidi to. Kakumona kabidi ditunga diende divuabu bamulele nansha.

Yirmeya 22:11

Bua Shalume, mukalenga wa bena Yuda, udi mupingane tatuende Yoshiya mu bukalenga, Maweja-Nangila udi wamba ne: “Kena upingana kabidi to.

Yirmeya 22:12

Neafuile muaba udibu baye nende mu bupika. Kakumona kabidi ditunga edi to.”

Yirmeya 46:6

Nansha bena lubilu kabena mua kupanda. Nansha bilobu kabiena mua kupanduka. Kuaka ku mutu kua ditunga, ku muelelu wa musulu wa Perate, badi batetuka, badishinda panshi.