2 Bakalenga 14:8 - MUKANDA WA MYIDI MUKULU

⁸ Pashishe, Amashiya kutuma bantu kudi mukalenga wa bena Izrayele Yowashe, muana wa Yowakaze, ne muikulu wa Yehu. Bantu abu, kuya kuambila Yowashe ne: “Luaku tuluangane nebe.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe Amasaya wakatumina Yehoasha, muana wa Yehoaza, muana wa Yehu, mukelenge wa Isalele, ba-messager bamba ne, Lua biebe, tutangilangane mpala ha mpala

2 Bakalenga 14:8 Σταυροειδείς Αναφορές

1 Bakalenga 20:18

Benadade kuandamuna ne: — Padi bantu aba bafike bua kulomba ditalala, nubakuate ne muoyi. Kadi, pikalabu bafike bua kuluangana mvita, nubakuate anu ne muoyi!

2 Bakalenga 13:12

Malu makuabu a Yowashe, muana wa Yowakaze, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu avua Yowashe muenze, baleja ne bukitu buvuaye nabu, pavuaye uluisha Amashiya, mukalenga wa bena Yuda.

2 Bakalenga 14:11

Kadi, Amashiya kavua muitabe bionsu bivua Yowashe mumuambile abi to. Nanku, mukalenga Yowashe, mukalenga wa bena Izrayele, kuya kuluangana ne Amashiya. Bena mvita ba Yowashe ne ba Amashiya kuluangana mu ditunga dia bena Yuda ku tshimenga tshia Bete-Shemeshe.

2 Kulondolola 25:14

Pavua Amashiya ufuma ku mvita, mumane kutshimuna bena Edome, uvua muambule mpingu ya mvidie ya bena Edome. Kushalayi mvidie yende. Uvua uyitendelela, uyilambula milambu ya manananshi.

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 18:6

Miaku ya muntu mupote idi ikeba matandu. Tshidiye wamba tshidi tshikeba mvita.

Nsumuinu 20:18

Bidi bantu bajadika bidi bikumbana padibu bafila meji malenga. Pawikala musue kuluangana mvita, anji kudilongolola bimpe.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Balombodi 9:29

Nuenu bansungule meme Ngaale mfumu wa bena Shekeme, mvua mua kumusha Abimeleke mu bukalenga. Pashishe Ngaale kuela lubila ne: — Abimeleke, longolola bena mvita bebe bimpe, unduishe!