1 Samuele 7:5 - MUKANDA WA MYIDI MUKULU

⁵ Ke Samuwele kubela diyi, ubambila ne: — Bantu bonsu badisangishe ku Mispa. Muaba awu, nendombe kudi Maweja-Nangila bualu buenu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Samuele wakamba ne, Bena Isalele bonso badisangishile ku Misepa, meme nennulombele Yehowa.

1 Samuele 7:5 Σταυροειδείς Αναφορές

Genese 20:7

Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

Genese 31:49

Labane kuambila kabidi Yakobe ne: — Maweja-Nangila atutentekele patuikala bamane kushiyangana nebe. (Ke kuinyikabu muaba awu dina ne: Mispa, mmomumue ne: kaleya ka mutentekedi.)

2 Bakalenga 25:23

Balombodi ba bena mvita ne bena mvita ba bena Yuda bavua kabayi baye ne bena Babilone, bumwa ne: mukalenga Nebukadnesare mmusungule Ngedaliya bua kuikalaye mulombodi wa ditunga, kuyabu kumonangana ne Ngedaliya ku Mispa. Balombodi bavua baye bavua Ismayele, muana wa Netaniya, Yowanane, muana wa Kareya, Seraya, muana wa Tanehumete, wa mu musoku wa Netofa, ne Yazaniya, muena Maaka.

Nehemya 9:1

Bena Izrayele kudisangisha mu matuku makumi abidi ne anayi a ngondu awu bua kujila biakudia. Bavua bavuale bilamba bikayapale, badilaba malaba mu mitu.

Yirmeya 40:6

Nanku Yirmeya kuya ku Mispa, muaba uvua Ngedaliya. Kusombaye munkatshi mua bantu bavua bashale mu ditunga.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Yowele 2:16

Nusangishe bantu, babuele bonsu muaba wa tshijila! Nusangishe bakulumpe ne bana, too ne batshidi bamua dibela. Nanku batshidi babueleleku mu dibaka, bapatuke mu nzubu yabu, basangile pamue ne bakuabu.

Yoshua 15:38

Dilane, Mispa, Yokteyele,

Yoshua 18:26

Mispa, Kefira, Mosha,

Balombodi 10:17

Bena Amone kudisangisha bonsu. Kuasabu mitanda mu buloba bua Ngilaade. Bena Izrayele bavua base yabu mitanda mu Mispa.

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.

1 Samuele 10:17

Samuwele kubikidisha bena Izrayele ku nzubu wa Mvidi Mukulu wa mu Mispa.

1 Samuele 12:17

Tudi mu tshikondu tshia kunowa ntete ya kuenza bukula, ki mmomu anyi? Ndi musue kulomba Maweja-Nangila, adidishe makubakuba, alokeshe mvula. Nanku nenujadike ne: nudi benzela Maweja-Nangila tshilema tshipite bunene, panudi balomba bua kuikala ne mukalenga.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”

1 Samuele 7:16

Ku tshidimu tshionsu, uvua upitshila ku Betele, ku Ngilgale ne ku Mispa, bua kulumbuluisha bantu mu bimenga ebi bisatu.

1 Samuele 7:4

Bena Izrayele kuimansha mpingu ya mvidie Baale ne Astarte ivuabu nayi, kutendelelabu amu Maweja-Nangila nkayende.

1 Samuele 8:6

Samuwele kubungama bikole, bua pavua bantu bamulomba mukalenga. Ke kukonkaye Maweja-Nangila bualu ebu.