1 Samuele 17:12 - MUKANDA WA MYIDI MUKULU

¹² Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.

Mukanda wa Nzambi Dihungila Dikulukulu ne Dihungila Dihia-dihia 2003

¹² Davidi wakadi muana wa balume wa Muena Efelata wa mu Beteleheme-yuda, dina diandi diakadi Yishai, wakadi ne bana ba balume muanda mukulu; mu matuku a Shaula yeye wakadi muntu mununu, mukoke munkatshi mua bantu.

1 Samuele 17:12 Σταυροειδείς Αναφορές

Genese 35:19

Rakele ufua, kumujikabu ku muelelu wa njila udi muye ku Efrata, muaba udibu binyika mpindiewu ne: Betleyeme.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

1 Samuele 17:58

Shawule kumukonka ne: — Muananyi, wewe udi muana wa nganyi? Davide kuandamuna ne: — Ndi muana wa muntu webe Ishayi, wa mu Betleyeme.

Rute 4:22

Obede kulela Ishayi, Ishayi kulela Davide.

Matayi 2:6

“Wewe, Betleyeme, musoku wa mu ditunga dia Yudeya, kuena mushadile ku misoku yonsu ya mu ditunga dia Yudeya. Bualu kuudi wewe nkuafumina mfumu, mulombodi wa bantu banyi, bena Izrayele.”

Matayi 1:6

Ishayi kulela mukalenga Davide. Davide ne mukaji wa Uriya kulela Shelomu.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

Matayi 2:1

Kulelabu Yezu mu musoku wa Betleyeme, mu ditunga dia Yudeya. Tshikondu atshi Erode ke uvua mukalenga wa ditunga. Bamane kulela Yezu, bena meji, bavua balonge malu a mitotu bikole, kufikabu mu tshimenga tshia Yerushalayime, batumine luseke ludi diba dipatukila.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Misambu 132:6

Tuetu kumvua bamba ne: mushete wa tshijila udi mu musoku wa Efrata, tudi bausangane mu mpata ya Yayire.

1 Samuele 17:11

Shawule ne bena mvita bende bonsu, bumvue miaku ya muena Peleshete ayi, kukuatshikabu bowa bunene.

Rute 1:2

Muntu awu uvua Elimeleke, mukajende uvua Nowemi. Bana bende ba balume babidi, bawa Malone ne Kiliyone. Bawa bena mu tshisamba tshia Efrata. Bobu bamane kuasa mu ditunga dia Mowabe,

Rute 4:17

Bakaji bena mutumba kutendakena muana, bamba ne: “Baleledi Nowemi muana!” Kumuinyikabu dina ne: Obede. Yeye ke tatuende wa Ishayi. Ishayi ntatuende wa Davide.

1 Samuele 1:1

Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.

2 Samuele 23:1

Ke meyi a Davide a ndekelu aa: Telejayi meyi a Davide, muana wa Ishayi, meyi a muntu uvua Mvidi Mukulu muteke muaba wa butumbi, uvua Mvidi Mukulu wa Yakobe musungule bua kuikalaye mukalenga, uvua bena Izrayele bimbila misambu, basamba.