1 Bakalenga 22:4 - MUKANDA WA MYIDI MUKULU

⁴ Nanku, Akabe kukonka mukalenga Yosafate ne: — Udi mua kuya kumfila mu mvita bua tuetu kukuata tshimenga tshia Ramote, tshidi mu ditunga dia Ngilaade anyi? Mukalenga Yosafate kuandamuna ne: — Wewe ne meme tudi bantu bamue. Bantu bebe, mbanyi meme. Bantu banyi, mbebe wewe. Nyama yanyi ya tubalu nyebe wewe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye wakebesha Yehoshafata ne, Wewe neuye nʼanyi bua kuluangana ne Bena Lamota-gilada, anyi? Yehoshafata wakambila mukelenge wa Isalele ne, Meme ndi bu wewe, bantu banyi badi bu bantu bebe, tubalu tuanyi tudi bu tubalu tuebe.

1 Bakalenga 22:4 Σταυροειδείς Αναφορές

1 Bakalenga 22:29

Akabe, mukalenga wa bena Izrayele, ne Yosafate, mukalenga wa bena Yuda, kuya kuluisha tshimenga tshia Ramote tshivua mu ditunga dia Ngilaade.

1 Bakalenga 22:5

Mukalenga Yosafate kumuambila kabidi ne: — Kadi, bangabanga, ukonke Maweja-Nangila.

1 Bakalenga 4:13

Muana wa Ngebere, ku Ramote, mu Ngilaade, uvua ulombola buloba bua misoku ya Yayire, muana wa Menashe, mu Ngilaade, ne buloba bua Argobe mu mpata ya Bashane. Buloba ebu bujima, buvua ne bimenga makumi asambombu, bivuabu bakolesha ne bimana, kabidi ne biibi bivuabu bakanga ne mulonda wa tshiamu tshikunze.

2 Bakalenga 3:7

Pashishe, kutumaye bantu bua kuambila Yesafate, mukalenga wa bena Yuda, ne: “Mukalenga wa bena Mowabe mmuntombokele. Tudi mua kuya nebe bua kuluisha ditunga diende anyi?” Yosafate, mukalenga wa bena Yuda, kuandamuna ne: “Ndi muanyishe. Wewe ne meme tudi bantu bamue. Bantu bebe mbanyi meme. Bantu banyi mbebe wewe. Nyama yebe ya tubalu nyanyi meme. Nyama yanyi ya tubalu nyebe wewe.”

2 Kulondolola 18:3

Akabe kukonka Yosafate ne: — Udi mua kumfila mu mvita bua tuetu kukuata tshimenga tshia Ramote tshidi mu ditunga dia Ngilaade anyi? Yosafate kuandamuna ne: — Wewe ne meme tukadi bantu bamue. Bantu bebe mbanyi, banyi mbebe. Tudi tuya nebe pamue mu mvita.

2 Kulondolola 19:2

Muambi Yeku, muana wa Anani, kufika bua kumuakidila, umukonka ne: — Uvua muambuluishe muntu muenzayi bua tshinyi? Bantu badi babenga Maweja-Nangila, tuetu tudi mua kubananga anyi? Maweja-Nangila mmukufikile munda bua bualu buudi muenze ebu!

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

1 Korente 15:33

Kanudishimi: “Panudi nuenda ne balunda babi, nenunyanguke.”

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

2 Yone 1:11

Bualu muntu udi wela wa nanku muoyi, udi udisanga nende mu malu adiye wenza.

Didimanyisha 2:26

Badi batshimuna, bakumbaja bindi musue too ne ku ndekelu, nembapeshe bumfumu bua bisamba bikuabu bumvua mupete kudi Tatu wanyi.