1 Bakalenga 11:2 - MUKANDA WA MYIDI MUKULU

² Kadi Maweja-Nangila uvua mumane kuambila bena Izrayele bua bisamba ebi ne: “Kanusedi bantu ba bisamba ebi to. Kanuitabi bua bantu ba bisamba ebi basele bana benu. Bualu badi mua kunuibidija bua nuenu kutendelela mvidie yabu.” Kadi, Shelomu kuangata bakaji ba bisamba bikuabu abu, bualu uvua mubanange bikole.

Mukanda wa Nzambi Dihungila Dikulukulu ne Dihungila Dihia-dihia 2003

² bakadi ba mu bisamba bakambila Yehowa Bena Isalele ne, Kanubuelakanyi nʼabo, ne bobo kabalu kunudi nansha, bualu bua bobo nebakudimushe mitshima yenu bua kulonda nzambi yabo; Solomo wakalamata bakashi aba mu dinanga.

1 Bakalenga 11:2 Σταυροειδείς Αναφορές

Genese 2:24

Ke padi mulume ushiya tatuende ne mamuende, ulamata mukajende, bua bonsu babidi bikale anu muntu umue.

Genese 34:3

Kadi Shekeme kunanga Diina bikole, kumuambila malu onsu avua munda muende, bua atekeshe muoyi wende.

1 Bakalenga 11:9

Maweja-Nangila Mvidi Mukulu wa bena Izrayele, uvua mumane kumuenekela Shelomu misangu ibidi, mumukandike ne: kuena mua kutendelela mvidie mikuabu to. Kadi, Shelomu kavua mutumikile diyi dia Maweja-Nangila to. Uvua mubenge Maweja-Nangila. Nanku, Maweja-Nangila kufikila Shelomu munda,

2 Kulondolola 19:2

Muambi Yeku, muana wa Anani, kufika bua kumuakidila, umukonka ne: — Uvua muambuluishe muntu muenzayi bua tshinyi? Bantu badi babenga Maweja-Nangila, tuetu tudi mua kubananga anyi? Maweja-Nangila mmukufikile munda bua bualu buudi muenze ebu!

2 Kulondolola 21:6

Uvua wenza malu mabi anu bu muvuabu benza kudi bakalenga ba bena Izrayele, nangananga kudi bena diku dia Akabe. Bualu Yorame uvua musele muana wa Akabe. Nanku, Yorame uvua muenze malu adi Maweja-Nangila mubenge.

Ezela 9:12

Nanku, nsongakaji yenu, kabena mua kuyisela kudi nsongalume ya banb benyi abu to. Kabidi kanuena mua kubangila bana babu ba bakaji bua kubaselabu kudi bana benu ba balume to. Kanuena mua kuvudija diakalenga ne biuma bia bantu benyi aba to. Nanku nenuikale bantu ba bukole. Nenusanke ne bintu bimpe bia mu ditunga amu. Nenubishile ndelanganyi yenu kashidi!’

Misambu 139:21

Maweja-Nangila, ndi mbenga bonsu badi bakubenga. Ndi nkina bonsu badi bakukina.

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Ekesode 34:12

Kadi, kuena mua kutua ndondu ne bantu ba ditunga dinuasomba to. Bualu nudi mua kulonda buenzayi buabu, nuenu kupeta diakabi.

Ekesode 34:16

Bana benu ba balume kabena mua kusela nsongakaji ya mu ditunga adi to. Bualu badi mua kulonda bibidilu bibi bia nsongakaji idi inemeka mvidie ya ditunga diabu.

Malaki 2:11

Bena Yuda mbupule ndondu uvuabu batue. Mbenzele malu mabi mu Yerushalayime, ne mu ditunga dijima dia Izrayele. Bualu mbapetule muaba wa tshijila, udi Maweja-Nangila munange. Mbasele bakaji badi batendelela nwidie ya bisamba bikuabu.

Rome 1:32

Badi bamanye bimpe tshilumbuluilu tshia Mvidi Mukulu, bamanye mudi bantu badi benza malu a mushindu ewu bakumbanyina lufu. Kadi badi amu batungunuka ne dienza dia malu a nanku, batua kabidi benji ba malu mabi makumbu.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

1 Korente 15:33

Kanudishimi: “Panudi nuenda ne balunda babi, nenunyanguke.”

Didimanyisha 2:4

Kadi bualu bundi nkudiwila, mbua paudi kutshiyi munnange bu kumpala.