1 Bakalenga 1:26 - MUKANDA WA MYIDI MUKULU

²⁶ Kadi kena mubikile mutuangaji Sadoke, nansha Benaya, muana wa Yoyada, nansha muanebe Shelomu, nansha meme mene Natane.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kadi meme mene, muntu webe, ne Sadoka muakuidi mukuabo, ne Benaya, muana wa Yehoyada, ne muntu webe Solomo, kakatubikila.

1 Bakalenga 1:26 Σταυροειδείς Αναφορές

2 Samuele 12:25

Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

2 Samuele 7:2

Dituku dikuabu, mukalenga Davide kuambila muambi Natane ne: — Meme Davide ndi musombe mu nzubu muasa ne mitshi ya sedre, kadi mushete wa Maweja-Nangila wa tshijila udi anu mu ntenta wa bilamba. Udi wela meji kaayi?

2 Samuele 8:17

Sadoke, muana wa Akitube, pamue ne Akimeleke, muana wa Abiyatare, ke bavua batuangaji. Seraya uvua mufundi.

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

1 Bakalenga 1:10

Kadi kavua mubikile muambi Natane, nansha Benaya, nansha muanabu Shelomu ne bena mvita bavua balame mukalenga Davide.

1 Bakalenga 1:19

Kabidi, Adoniya mmulongolole tshibilu tshinene. Mu tshibilu atshi, mmulambule ngombe milume, nyama mikuabu ya manyi, ne mikoku ya bungi. Uvua mubikilemu bana bebe ba balume bonsu, mutuangaji Abiyatare, ne Yowabe, mfumu wa bena mvita. Kadi kavua mubikile muanebe Shelomu to.

1 Bakalenga 1:27

Nanku mukalenga wanyi, wewe mumane kusungula muntu udi mua kukupingana, kadi kuena mutumanyishe tuetu bena mudimu bebe badi bakuitaba ne muoyi umue bua tshinyi?

1 Bakalenga 1:8

Kadi mutuangaji Sadoke, ne Benaya, muana wa Yoyada, nansha muambi Natane, ne Shimeyi, Reyi, kabidi ne bena mvita bavua balame mukalenga Davide, kabavua baditua ku tshia Adoniya to.

1 Bakalenga 2:35

Mukalenga Shelomu kupingaja Benaya muaba wa Yowabe, bua ikale mfumu mulombodi wa bena mvita. Kupingajaye kabidi Sadoke, muaba wa Abiyatare bua ikale mutuangaji muaba wa tshijila.