Yobe 40:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Udilengeshe ne bulengele ne bunene, udiluatshishe ne butumbi ne buneme.

MUKANDA WA MYIDI MUKULU

¹⁰ Pawikala muena mulongu nanyi, leja lumu luebe ne ndunene, vuala butumbi ne buneme.

Yobe 40:10 Σταυροειδείς Αναφορές

Misambu 93:1

Yehowa udi ukokesha; udi muluate butumbi; Yehowa udi muluate bukole, wakudijingila nʼabu. E, buloba budi bujadikibue, kabuena bunyungishibua.

Misambu 149:4

Bualu bua Yehowa udi ne disanka mu bantu bandi. Udi ulengesha badihuekeshi ne luhandu.

Yeshaya 59:17

Yeye wakavuala buakane bu kazaku ka tshiamu ka nvita, wakasa tshifulu tshia luhandu ha mutu handi, wakavuala bivualu bia disombuela bu bilulu biandi, wakadiluatshisha lukunukunu lua nvita bu tshikowelu.

1 Korente 15:54

Hamana mubidi eu mubole kuluata udi kawi mubole, ne hamana mubidi eu udi ufua kuluata udi kawi ufua tshiendelele, hashishe, dî diakafundabo nedishike ne, Lufu luakaminyibua mu kulutamba kua Kilisto.

Matayi 6:13

Kutufikishi hadi mateyi, kadi utusungile kudi bubi. [

Yeshaya 4:2

Mu dituku adi lutonga lua Yehowa neluikale lulengele ne lua butumbi, ne mamuma adi buloba bumenesha neikale mimpe ne bu tshilenge kudi ba mu Isalele batshidi bashala ne muoyo.

Misambu 50:2

Mu muaba wandi wa mu Siona, udi mulengele tshishiki, Nzambi udi utema biandi.

Misambu 21:5

Butumbi buandi budi bunene bualu bua luhandu luebe, udi uteka buneme ne butumbi hamʼbidi handi.

Yobe 39:19

Wewe wakuha kabalu bukole buaku, anyi? Wakukavuadika buoya budi bulembelela mu nshingu muaku, anyi?

1 Kulondolola 29:11

Yehowa, bunene ne bukole ne butumbi ne kutamba ne bulengele butambe mbiebe; bualu bua bintu bionso bia mu diulu ne bia ha buloba mbiebe; Yehowa, bukelenge mbuebe, ne wewe udi ubandishibua ku mutu kua bionso.

Ekesode 28:2

Wewe neutelele Alona, mukuluʼebe, bilulu bia tshijila, bidi bitambe buimpe.