Nsumuinu 8:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bakelenge badi bakokesha bua bualu buanyi, ne bakokeshi badi balumbulula ne kulumbulula kuakane.

MUKANDA WA MYIDI MUKULU

¹⁵ Meme ndi ngambuluisha bakalenga bua bikale mu bumfumu, ne balombodi ba ditunga bua bele mikenji mimpe.

Nsumuinu 8:15 Σταυροειδείς Αναφορές

1 Bakalenga 10:9

Yehowa, Nzambi webe, udi ne disanka bualu buebe, wakukushikika mu nkuasa wa butumbi wa Isalele, atumbishibue; bualu bua Yehowa udi munange Bena Isalele tshiendelele nunku wakukusungula mukelenge bua wewe kulumbulula malu biakane ne kuenza malu adi makane.

1 Bakalenga 3:28

Bena Isalele bonso bakunvua lumu lua kulumbulula kua mukelenge kuakalumbululeye nʼaku, bakatamba kutshina mukelenge, bakajingulula ne, Yeye udi ne lungenyi lua Nzambi munda muandi lua kulumbululeye nʼalu.

1 Bakalenga 3:9

Uhe muntu webe mutshima wa lungenyi bua kulumbuluila nʼau bantu bebe ne bua meme kumanya mua kujingulula hankatshi ha malu mimpe ne malu mabi: bualu bua udi mua kulumbuluila bantu bebe banene nganyi?

1 Bakalenga 5:7

Hakunvua Hilama mei a Solomo yeye wakatamba kusanka, wakamba ne, Yehowa wakaha Davidi muana wa lungenyi makane bua kukokesheye bantu bandi banene, atumbishibue lelu.

1 Kulondolola 28:5

ne munkatshi mua bana banyi balume (Nzambi wakumpa bana ba bungi) yeye wakasungula Solomo muanʼanyi bua kushikameye mu nkuasa wa bukelenge bua Yehowa ku mutu kua Bena Isalele.

2 Kulondolola 1:10

Umpe meji ne lungenyi bua meme kumanya mua kuluhuka ne kulua ku mpala kua bantu aba; bualu bua udi mumanye mua kukokesha bantu aba banene nganyi?

2 Kulondolola 1:11

Nzambi wakambila Solomo ne, Bua bualu ebu buakadi mu mutshima webe, wewe kuakundomba bubanji ne biuma, nansha butumbi, nansha mioyo ya badi nʼebe lukuna, nansha matuku a bungi ha buloba, kadi wakundomba meji ne lungenyi bia kukokesha nʼabi bantu banyi banakukuhingishila mukelenge ku mutu kuabo.

Misambu 2:10

Nunku, nuenu bakelenge, nuikale ne meji; nuyishibue, nuenu bakokeshi ba ha buloba.

Misambu 99:4

Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Nsumuinu 29:4

Mukelenge udi ujadika buloba buandi ku kulumbulula kuakane, kadi muntu udi ulomba milambu mihite udi ububutula.

Nsumuinu 8:16

Bua bualu buanyi bakokeshi badi bakokesha, ne badi ne butumbi badi bakokesha ne balumbuludi bonso ba ha buloba mene.

Yeshaya 1:26

Nenkuhingashile balumbuluishi bebe bu muakadi aba ba diambedi, ne bafidi bebe ba meji bu muakadi ba ku tshibangidilu. Hashishe nebakubikile ne, Musoko wa buakane, musoko udi bantu bamanye mua kueyemena.

Yirmeya 33:15

Mu matuku au ne mu tshikondo atshi nemmeneshile Davidi Lutonga lua buakane, yeye neajadike kulumbulula kuimpe ne buakane mu buloba.

Danyele 2:21

Yeye udi ukudimuna bikondo ne bidimu; udi umusha bakelenge, udi ujadika bakelenge; udi ufila meji kudi bena meji, ne lungenyi kudi badi bamanye mua kujingulula malu.

Danyele 4:25

nebakuihate munkatshi mua bantu, neushikame ne nyama ya mu mpata, neudie mashinde bu mudi ngombe idia; neuboleshibue ne dibungi dia mulu. Bidimu muanda mutekete nebihie tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Danyele 4:32

Nebakuihate munkatshi mua bantu, neushikame ne nyama ya mu mpata; neudie mashinde bu mudi ngombe idia; ne bidimu muanda mutekete nebihite tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Matayi 28:18

Yesu wakalua kudibo, wakabambila ne, Bakumana kumpa bukokeshi buonso mu diulu ne ha buloba.

Rome 13:1

Muntu yonso aditeke ku nyima kua bakokeshi badi ku mutu kuandi. Bua kakuena bukokeshi budi kabui bulua kudi Nzambi; ne makokeshi adiku akajadikibua kudi Nzambi.

Didimanyisha 19:11

Nakatangila diulu dibululuke; ne mona, kabalu katoke, ne wakadi ushikama ba nyima haku wakabikidibua ne, Wa Kueyemena ne Mulelela; ne mu buakane buandi udi ulumbuluisha ne udi uluangana nvita.

Didimanyisha 19:16

Yeye udi ne dina difunda ha tshmialu ne ha tshibelu tshiandi ne, Nfumu wa Banfumu, ne Mukelenge wa Bakelenge.

1 Samuele 16:1

Yehowa wakambila Samuele ne, Wewe neudile muadi bua Shaula musangu bule munyi bualu bua meme nakamuhidia mu bukelenge bua Isalele? Ûshe lusengu luebe ne manyi tente, uye biebe, nenkutume kudi Yishai, Muena Beteleheme, bualu bua nakadisunguila mukelenge munkatshi mua bana bandi ba balume.

1 Samuele 9:17

Hakatangila Samuele Shaula, Yehowa wakamuambila ne, Mona muntu unakukuambila, kayeye au! Yeye mene neakokeshe bantu banyi.