Nsumuinu 3:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bua neyikutentekashile dileha dia matuku ne bidimu bia muoyo ne ditalala.

MUKANDA WA MYIDI MUKULU

² Wewe muyilame, neusombe bimpe panu; neulalepu matuku mavule; newikale ne diakalenga.

Nsumuinu 3:2 Σταυροειδείς Αναφορές

1 Bakalenga 3:14

Biwenda mu nshila yanyi, biwatumikila mei anyi ne mikenji yanyi bu muakenda tatu webe Davidi, nenkuleheshile matuku ebe a bungi.

Yobe 5:26

Neubuele mu lukita luebe hawalua muntu mukole, bu tshisumbu tshia blé tshidibo babanda nʼatshi ku tshishihuidi mu tshikondo tshiabobeye.

Misambu 119:165

Badi bananga mikenji yebe badi ne ditalala dinene; kakuena tshidi mua kubalenduisha.

Misambu 128:6

E, umone biebe bana ba bana bebe baledibue. Ditalala dikale kudi Bena Isalele!

Misambu 21:4

Yeye wakakulomba muoyo, wewe wakamuhau, wakamuha matuku awakamuleheshila tô ne tshiendelele.

Misambu 91:16

Nensankishe mutshima wandi ne dileha dia matuku andi, nemmuleshe luhandu luanyi.

Nsumuinu 10:27

Ditshina dia Yehowa didi dilehesha matuku a muoyo, kadi bidimu bia bantu babi nebikeleshibue.

Nsumuinu 16:31

Nsuki mitoke tô idi tshifulu tshia butumbi, nebatshihete mu nshila wa buakane.

Nsumuinu 4:10

Unvua, muanʼanyi, witabusha mei anyi, ne bidimu bia muoyo webe nebikale bia bungi.

Nsumuinu 4:4

Tatu wakadi unyisha kabidi, wakadi ungambila ne, Mutshima webe ulamate mei anyi bikole; utumikile mikenji yanyi, wikale ne muoyo.

Nsumuinu 9:11

Bua kundi meme matuku ebe neavulangane, ne bidimu bia muoyo webe nebileheshibue.

Yeshaya 32:17

Dimuma didi buakane bukuama nedikale ditalala, malu adi alonda buakane neikale ditalala ne ditekemena tshiendelele.

Rome 14:17

Bua bukelenge bua Nzambi kabuena bualu bua kudia ne bua kunua, kadi mbua buakane ne ditalala ne disanka bia mu Nyuma Muimpe.

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.

Dielulula 11:21

nunku nebavudishe matuku enu ne matuku a bana benu mu buloba buakalaya Yehowa batatu benu bua kubahabo matuku onso atshidi diulu ha mutu ha buloba.

Dielulula 5:32

Nuenu nutumikile mei onso adi Yehowa, Nzambi wenu, unuambila; kanusesuki ku tshianza tshia balume anyi ku tshianza tshia bakashi.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.