Nsumuinu 3:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku mayeba ebe neûle tente ne bintu bia bungi, bikaminu biebe nebihongolole nvinyo mihia-mihia.

MUKANDA WA MYIDI MUKULU

¹⁰ Nenku neuvudije mayeba tente ne ntete ya bukula. Mabungu ebe neuwule tente ne maluvu.

Nsumuinu 3:10 Σταυροειδείς Αναφορές

2 Kulondolola 31:10

Azaya, muakuidi munene, wa mu nsubu wa Sadoka, wakamukudimuna ne, Katshia bantu bahanga kufila bintu mu nsubu wa Yehowa, tuetu tuakudia, tuakukuta, ne bintu ebi biakushala bia ha mutu; bualu bua Yehowa wakasankisha bantu bandi; bintu ebi bia bungi bidi bishala.

2 Kulondolola 31:21

Malu onso akabangeye mu mudimu wa mu nsubu wa Nzambi ne a mu mikenji ne mei bua kukeba Nzambi wandi, yeye wakaenza ne mutshima wandi wonso, wakadi ne diakalengele.

Misambu 144:13

Mayeba etu ûle tente, atuheshe bia kudia bia mushindu ne mushindu. Mikoko yetu ilele binunu ne binunu bia bana mu madimi etu;

Nsumuinu 19:17

Udi ufuila muhele luse udi usombesha Yehowa bintu; yeye neamuenzele bimpe ku buimpe buakamuenzeleye.

Nsumuinu 22:9

Udi ufuila bakuabo luse neavudishibue disanka, bualu bua udi wabanyangana bia kudia biandi ne bahele.

Yowele 2:24

Bishihuidi nebiule tente ne blé, ne nyinyo mihia-mihia ne manyi nebihongoloke mu bikaminu.

Agayi 2:19

Maminu akuanji kulua mu diyeba, anyi? E, muonshi wa tumuma tua nyinyo, mutshi wa nfigi, mutshi wa grenade ne mutshi wa olive kayena nuanji kukuama mamuma; kadi ku dituku edi tô ne ku mpala nennusankishe.

Matayi 10:42

Muntu yonso wahesha umue wa mu bantu aba bahuekele nasha dikoho dia mai matalala a kunua mu dina dia muyidi, bulelela, ndi nuambila ne, Yeye kena uhanga difutu diandi.

Dielulula 14:29

ne Bena Lewi, bualu bua bobo kabena ne tshituha anyi buhianyi kunudi, ne benyi ne bana ba nshiya ne bakashi ba mu lufuila badi ku mbelu kuenu nebalue, nebadie, nebukute; nunku Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

Dielulula 28:8

Yehowa nea-nuvudishile disanka mu bisasa bienu, ne mu malu onso anudi nuenza ne bianza bienu; neanuvudishile disanka mu buloba budi Yehowa, Nzambi wenu, nnuha.