Nsumuinu 20:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Kunangi tulu, bua kubuedi mu buhele; tabala mesu ebe, newikale ne bia kudia bikumbane.

MUKANDA WA MYIDI MUKULU

¹³ Pawanangila tulu neushale mupele. Kadi ujuke diba diakane, bua udie uukuta.

Nsumuinu 20:13 Σταυροειδείς Αναφορές

Nsumuinu 10:4

Tshianza tshia mufuba tshidi tshimuvuisha muhele, kadi tshianza tshia muena disuminyina tshidi tshimuvuisha mubanji.

Nsumuinu 12:11

Udi udima budimi buandi neikale ne bia kudia bia bungi, kadi udi ulonda malu a hatuhu kena ne lungenyi.

Nsumuinu 13:4

Mufuba udi usamina muoyo, kena ubiheta, kadi muoyo wa muena disuminyina udi ûshibua tente ne diakalengele.

Nsumuinu 19:15

Bufuba budi buladika muntu tulu tukole, ne muena bukata neikale ne nzala.

Nsumuinu 20:14

Musumbi udi wamba ne, Tshidi tshibi, tshidi tshibi; kadi hayeye, udi utshianyisha.

Nsumuinu 28:19

Udi udima budimi buandi neikale ne bia kudia bia bungi, kadi udi ulonda malu a hatuhu neikale ne buhele bua bungi.

Nsumuinu 31:15

Udi ubika butuku kabuyi buanze kutshia, udi uha ba mu nsubu muandi bia kudia, udi uha bakashi benji ba mudimu wandi tshituha tshiabo tshia mudimu.

Yona 1:6

Nunku kapitene ka buatu kakalua kudiye, kakamuebesha ne, Ahu, wewe udi muladile tulu tshinyi? Juka biebe, bikila dina dia nzambi webe; bumue nzambi au nele meji a bualu buetu, bua tuetu katufu nansha.

Rome 12:11

Mu disuminyina kanuikadi bashanguluki; nuikale ne lukunukunu mu mitshima yenu; nukuatshile Nzambi mudimu.

Rome 13:11

Nuenze malu â, bualu bua nudi bamanye tshikondo etshi ne, Diba diakumana kufika bua nuenu kubishibua ku tulu; bua katataka luhandu luetu ludi lutamba dituku dia dianjila kuitabusha kuikala ha buihi.

1 Korente 15:34

Nutabale biakane, nulekele kuenza malu mabi; bualu bua bakuabo kabena bamanye Nzambi. Ndi ngamba nuaku bua kunufuisha bundu.

Efeze 5:14

Bua bualu ebu Nzambi udi wamba ne, Tabala, wewe udi mulale tulu, Bika ku lufu, Ne Kilisto neakutemene.

2 Tesalonike 3:10

Bua hatuakadi munkatshi muenu mene, tuakanuelela mukenshi eu ne, Bikala muntu kai witabusha kuenza mudimu, kadi biandi tshintu.