Nsumuinu 2:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Kadi nebajimishe bantu babi ha buloba, nebumushehu bena tshitungu.

MUKANDA WA MYIDI MUKULU

²² Bantu badi kabayi bitabe Mvidi Mukulu, kabayi bamulamate, nebumukemu. Nebabipate kuabu.

Nsumuinu 2:22 Σταυροειδείς Αναφορές

1 Bakalenga 14:14

Yehowa neadisunguile mukelenge mukuabo ha mutu ha Bena Isalele, yeye neashihe bonso ba mu nsubu wa Yalobama mu dituku adi; yeye kena muenze nunku katataka, anyi?

1 Kulondolola 10:13

Nunku Shaula wakafua bualu bua bubi buandi buakenzeleye Yehowa ne bua dî dia Yehowa diakahidieye; ne bualu bua yeye wakakeba lungenyi kudi muena buloshi,

Yobe 21:30

Badi basungila muntu mubi dituku dia dikenga, ne badi bahehula dituku dia tshiji tshikole, anyi?

Misambu 104:35

Benji ba malu mabi bajimine, bumushibue mu buloba, bantu babi kabikadiku kabidi! Mutshima wanyi, uvudishile Yehowa disanka! Tumbishai Yehowa!

Misambu 145:20

Yehowa udi ulama bonso badi bamunanga, kadi neabutule bantu babi bonso.

Misambu 37:20

Kadi bantu babi nebajimine, ne badi ne Yehowa lukuna nebikale bu bulengele bua mashinde a mu madimi; nebajimine — bu mudi muishi wa kahia ujimina, nebajimine biabo.

Misambu 37:22

Bualu bua badi Yehowa uvudishila disanka nebahiane buloba, ne badiye wela mulau nebajimishibue.

Misambu 37:28

Bualu bua Yehowa udi unanga kulumbulula kuakane, kena ulekela bansanto bandi. Bantu bakane nebalamibue tshiendelele, kadi bana ba bantu babi nebajimishibue.

Misambu 52:5

Nzambi neakubetekashe tshiendelele. Neakukuate, neakubatule mu ntenta webe; neakujomone, neakûmushe mu buloba bua badi ne muoyo.

Misambu 52:7

Mona muntu eu wakadi kayi uvuisha Nzambi tshieyemenu tshiandi, kadi wakeyemena dilengama dia biuma biandi, wakadikolesha mu malu mabi andi.

Nsumuinu 10:30

Muntu muakane kena umushibua kashidi, kadi bantu babi kabena bashikama ha buloba.

Nsumuinu 11:3

Butoke bua mutshima bua bantu bakane nebubalombole; kadi kuhambuka kua bedi ba tshitungu nekubabutule.

Dielulula 29:20

Yehowa kena umubuikidila bubi buandi, kadi tshiji tshia Yehowa ne mukau wandi nebimueneke kudi muntu eu ne milau yonso idi mifunda mu mukanda eu neyimukuate, ne Yehowa nenjimishe dina diandi muinshi mua diulu.

Dielulula 29:28

ne Yehowa wakabumusha mu buloba abu ne difika dia munda ne tshiji tshikole, wakaya nʼabo mu buloba bukuabo; bualu ebu budi nunku lelu.

Dielulula 7:22

Yehowa, Nzambi wenu, neanuihatshile bisamba abi ku mpala kuenu bituha bituha: kanubashihi tshikondo tshimue, bualu bua nyama ya muitu neyikumbane munkatshi muenu.