Nsumuinu 16:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Mutshima wa muntu udi uhangidisha bua kuya ku luendu, kadi Yehowa udi ulombola makasa andi.

MUKANDA WA MYIDI MUKULU

⁹ Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Nsumuinu 16:9 Σταυροειδείς Αναφορές

2 Kulondolola 22:7

Kubutuka kua Ahazaya kuakadi bua Nzambi, bualu bua yeye wakaya kudi Yolama; bualu bua hakafikeye kudiye, yeye wakaya ne Yeholama bua kuluangana ne Yehu, muana wa Nimishi, nguakelabo manyi ha mutu kudi Yehowa bua kubutuleye ba mu nsubu wa Ahaba.

Misambu 37:23

Biendedi bia muntu bidi bijadikibua kudi Yehowa, ne yeye udi usanka bua nshila wandi.

Nsumuinu 16:1

Malu adi bantu bahangidisha mu mitshima adi afuma kudibo, kadi dî didi ludimi lukudimuna didi difuma kudi Yehowa.

Nsumuinu 16:8

Kuikala ne bintu bibale ne buakane kudi kuhita kuikala ne luhetu luvule ne kulumbulula kubi buimpe.

Nsumuinu 19:21

Mutshima wa muntu udi ne malu a bungi adiye uhangidisha, kadi malu adi Yehowa Usungula neajadikibue.

Nsumuinu 20:24

Biendedi bia muntu bidi biendeshibua kudi Yehowa; nunku muntu neamanye mua kujingulula nshila wandi munyi?

Nsumuinu 21:1

Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Yirmeya 10:23

Yehowa, ndi mumanye ne nshila wa muntu kena munda muandi; muntu kena ne bukole munda muandi bua kuendesha nʼabu biendedi biandi bimpe.

1 Samuele 9:16

Makelela ha diba edi mene nenkutumine muntu mufume ku buloba bua Benyamina ne wewe neumuele manyi ha mutu handi bua kuikaleye mukelenge wa bantu banyi Bena Isalele; yeye neasungile bantu banyi mu bianza bia Bena Peleshete; bua nakatangila bantu banyi bualu bua muadi wabo wakufika kundi.