Misambu 71:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nendue ne mei bua bienzedi binene bia Mukelenge Yehowa, nengambile bantu bua buakane buebe, bua buakane buebe nkayabu.

MUKANDA WA MYIDI MUKULU

¹⁶ Maweja-Nangila, Mvidi Mukulu wanyi, nemmanyishe bantu muudi ne bukole, muudi Wewe nkayebe wenza bionsu amu biakane.

Misambu 71:16 Σταυροειδείς Αναφορές

Misambu 106:2

Udi mua kuambila bantu bua bienzedi binene bia Yehowa nganyi? Anyi udi mua kubalesha butumbi buandi buonso nganyi?

Misambu 29:11

Yehowa neaheshe bantu bandi bukole, Yehowa neasankishe bantu bandi ne ditalala.

Misambu 51:14

Wewe Nzambi, Nzambi wa luhandu luanyi, unsungile ku dihila dia dimatshisha dia mashi, ne ludimi luanyi neluimbe musambu ne dî dikole bua buakane buebe.

Misambu 71:15

Mukana muanyi nemuambile bantu bua bienzedi bia buakane buebe, nembambile bua malu a luhandu luebe dinda tô ne ku dilolo; bualu bua tshiena mumanye bungi buabi.

Misambu 71:19

Nzambi, buakane buebe budi bufika tô ne kulu. Wewe wakuenza malu manene, Nzambi, udi bu wewe nganyi?

Misambu 71:2

Bualu bua buakane buebe umpandishe, usungile; teleja matshu ebe kundi; unsungile.

Misambu 71:24

Ludimi luanyi neluambile bantu bua buakane buebe mu kulumbulula dinda tô ne ku dilolo; bualu bua bakadi bakeba kungenzela bibi bakufuishibua bundu, bakutamuka.

Yeshaya 26:13

Yehowa Nzambi wetu, bakelenge bakuabo bakadi kabayi bu wewe bakutukokesha; kadi bua dikuatshisha diebe nkayadi netutumbishe dina diebe.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yeshaya 63:7

Nenvuluishe bantu bua bienzedi bia luse lujalame lua Yehowa, bua bienzedi bia Yehowa bidi bimutumbisha, bu mudibi bimpe bua malu onso adi Yehowa mutuenzele, ne bua malu andi manene akuenzeleye Bena Isalele, akubahesheye bu mudi luse luandi, ne bu mudi dikumbana dia dinanga diandi dijalame.

Zekâya 10:12

Yehowa udi wamba ne, Nembakoleshe mu Yehowa, nebatumbile mu dina dianyi.

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

Rome 1:17

Bualu bua buakane bua Nzambi buakubuluibuamu ku ditabusha ne ku ditabusha; bu muakafundabo ne, Muntu muakane neikale ne muoyo ku ditabusha.

Rome 10:3

Bualu bua hakahangabo kumanya buakane bua Nzambi, ne hakadibo bakeba kujadika buakane buabo mene, kabakadikokesha ku buakane bua Nzambi.

Rome 3:21

Kadi katataka buakane bua Nzambi buakumueneshibua butahuluke ku mikenshi, bu mudibo babuamba mu mikenshi ne kudi baprofete.

Efeze 3:16

bua yeye anuhe bu mudi bubanshi bua butumbi buandi mua kukoleshibua munda muenu ne bukole kudi Nyuma wandi;

Efeze 6:10

Ku ndekelu, nudikoleshe mu Mukelenge ne mu bukole buandi bunene.

Dielulula 33:25

Milonda yebe ya bibi bia musoko neyikale ya tshiamu tshifike ne tshiamu tshia mitaku, bukole buebe nebuikale bule bua matuku ebe onso.

Filipe 3:9

ne bua kunsanganabo munda muandi, tshi ne buakane buanyi budi bufume ku mikenshi, kadi ngikale ne buobu abu budi bua ditabusha dia mu Kilisto, buakane mene budi bufuma kudi Nzambi hangitabusha.

Filipe 4:13

Ndi mumanye mua kuenza malu onso mu Mukelenge udi unkolesha.

2 Tesalonike 1:6

bikalahu buakane bua Nzambi kuhingisha makenga kudi badi banukengesha;

2 Timote 2:1

Nunku wewe muanʼanyi, ukoleshibue mu ngasa wa mu Kilisto Yesu.