Misambu 7:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ngabu wanyi udi kudi Nzambi, udi usungila badi ne mitshima miakane.

MUKANDA WA MYIDI MUKULU

¹⁰ Jikija buenzayi bua bantu babi. Kankamika badi bakulamata. Wewe Maweja-Nangila muena buakane, ujingulule meji ne majinga bidi munda mua muntu.

Misambu 7:10 Σταυροειδείς Αναφορές

Genese 15:1

Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

2 Kulondolola 6:30

unvue biebe mu muaba webe mu diulu; ubabuikidile mibi yabo, ufute muntu yonso bu muakadi bienzedi biandi, nguewe udi mumanye mutshima wandi (bualu bua wewe nkayebe udi mumanye mitshima ya bantu);

Yobe 8:6

biwikala ne mutshima mutoke, biwikala muakane; bulelela, yeye neabike bua kukukuatshisha mu bualu buebe, neahingashe diakalengele ku nsubu webe wa buakane.

Misambu 112:2

Tunkanunuina tuandi netuikale ne bukitu bua bungi ha buloba; mulongo wa bantu bakane newikale ne disanka.

Misambu 125:4

Yehowa, wenzele bantu bakane bimpe, ne badi bakane mu mitshima yabo.

Misambu 3:3

Kadi wewe, Yehowa, udi ngabu udi undama nseke yonso, wewe mbutumbi buanyi ne mujudi wa mutu wanyi.

Misambu 84:11

Bualu bua Yehowa Nzambi udi diba ne ngabu; Yehowa udi uha bantu luse ne butumbi. Kena uhala badi benda mu buakane tshintu tshimpe tshimue.

Misambu 89:18

Bualu bua ngabu wetu ngua Yehowa; mukelenge wetu ngua Wa Tshijila wa Isalele.

Nsumuinu 11:20

Badi ne mitshima ya tshitshu badi batondesha Yehowa, kadi badi bakane tshishiki mu bienzedi biabo badi bamusankisha.

Nsumuinu 2:21

Bualu bua badi ne mitshima miakane nebashikame mu buloba, badi ne mutshima umue mutoke nebajalame.

Nsumuinu 28:18

Muntu udi wenda mu buakane neahandishibue, kadi udi wenda mu nshila mikonyangale neahone lukasa.

Yirmeya 11:20

Kadi Yehowa wa misumba udi ne kulumbulula kuakane, udi uteta mutshima ne meji bia muntu, nentangile busombuedi buebe hamʼbidi habo, bualu bua nakuteka bualu buanyi mu bianza biebe.

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.