Luke 7:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yone wakabikila bayidi bandi bakuabo babidi, wakabatuma kudi Mukelenge bua kumukonka ne, Wewe nyeye ulualua, anyi tutekemene mukuabo?

MUKANDA WA MYIDI MUKULU

¹⁹ Kubatumaye kudi Mfumu bua kumukonka ne: “Wewe ke Musungidi wetu utudi bamanye ne: udi ne bua kufika, anyi tuindile mukuabu?”

Luke 7:19 Σταυροειδείς Αναφορές

Genese 22:18

bisamba bionso bia ha buloba nebisanke bualu bua tunkanunuma tuebe, bualu bua wewe wakatumikila di dianyi.

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yeshaya 7:14

Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Agayi 2:7

Yehowa wa misumba udi wamba ne, Nenzakashe bisamba bionso, ne meme nengûshe nsubu eu ne butumbi tente. Yehowa wa misumba udi wamba dî edi.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Marke 6:7

Yeye wakabikila bayidi bandi dikumi ne babidi, wakabanga kubatuma ku babidi ku babidi; wakabaha bukole bua kuhita nyuma ya bukoya;

Luke 10:1

Hakashika malu â, Mukelenge wakasungula banga bayidi kabidi makumi muanda mutekete, wakabatuma ku mpala kuandi ku babidi ku babidi mu misoko yonso ne mu miaba yonso, yakadiye wamba kuya.

Luke 11:1

Yeye wakadi utendelela Nzambi mu muaba mukuabo; hakalekeleye, muyidi wandi mukuabo wakamuambila ne, Mukelenge, utuyishe bietu mua kutendelela Nzambi bu muakayisha Yone bayidi bandi.

Luke 11:39

Mukelenge wakamuambila ne, Ahu nuenu Bafalese nutu nûvua ha nyima ba luhanza ne dilonga, kadi munda muenu mudi mûle tente ne bunyengi ne malu mabi.

Luke 12:42

Mukelenge wakamba ne, Nganyi mulami wa bintu udi ulamata nfumu wandi ne dinanukila, ne udi muntu wa lungenyi? Nfumu wandi neamuteke ha mutu ha bantu bandi bua yeye kubaha bidia biabo, halua dituku diabi.

Luke 13:15

Kadi Mukelenge wakamukudimuna dî ne, Nuenu bena lubombo, mukuabo wenu kai udi kai usulula ngombe wandi anyi nyama wa mpunda ku tshidilu bua kuyeye kumunuisha mai dituku dia Lumingu?

Luke 17:5

Bapostolo bakambila Mukelenge ne, Udiundishe ditabusha dietu.

Luke 17:6

Mukelenge wakamba ne, Bu nuenu bikale ne ditabusha bunene bua lutete lua mutada, nuakadi kuambila mutshi eu wa sukamina ne, Ujudibue, ukunyibue mu dishiba; wowo wakadi kutumikila dî dienu.

Luke 18:6

Mukelenge wakamba ne, Unvuai muakamba njuji mubi.

Luke 19:8

Zakayo wakimana, wakambila Mukelenge ne, Mukelenge, unvua, nempe bahele tshituha tshia hankatshi ha bintu bianyi; ne bingikala muangate tshintu tshia muntu mukuabo ku mashimi anyi, nemuhingishile bintu binai.

Luke 22:61

Mukelenge wakatshinguluka, wakatangila Petelo talala. Petelo wakavuluka dî dia Mukelenge diakamuambileye ne, Tshitala katshi tshianze kusama lelu, wewe neumpidie misangu isatu.

Luke 24:34

bakamba ne, Mukelenge wakubika ku lufu bulelela, wakumueneka kudi Simona.

Luke 7:13

Hakamutangila Mukelenge, yeye wakamufua luse, wakamuambila ne, Kudidi.

Luke 7:20

Hakaluabo kudiye, bakamuambila ne, Yone Mubatiji wakututuma bua kukukonka ne, Wewe nyeye ulualua, anyi tutekemene mukuabo?

Yowanane 11:2

Au Malia wakela Mukelenge mananashi, wakamukuhula makasa andi ne nsuki, muanʼabo Lazalo nguakadi usama.

Yowanane 4:1

Hakamanya Mukelenge ne, Bafalese bakunvua ne, Yesu udi mutambe Yone kuvuisha bantu bayidi ne kubabatiza

Yowanane 4:25

Mukashi wakamuambila ne, Ndi mumanye ne, Mashiya ulualua (udibo babikila ne, Kilisto); halueye, neatumanyishe malu onso.

Yowanane 6:23

(kadi matu mafume ku Tibelia akalua hehi ne muaba wakadiabo bidia, hakatendelela Mukelenge Nzambi);

Yoshua 2:1

Yoshua, muana wa Nuna, wakatuma batentekedi babidi ku Shitima mu musokoko, wakabambila ne, Yai, nutangile buloba, ne Yeleko. Bobo bakaya, bakabuela mu nsubu wa mukashi muena tshiendenda dina diandi Lahaba, bakalalamu.

Didimanyisha 11:3

Nempe bamanyishi banyi babidi bukole, ne nebambe dî dia Nzambi matuku tshinunu ne nkama ibidi ne makumi asambombo, baluatshisha bilulu bia miosa.