Luke 6:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yeye wakabatangila buonso buabo, wakamuambila ne, Olola tshianza. Yeye Wakenza nunku, tshianza tshiandi tshiakakana kabidi.

MUKANDA WA MYIDI MUKULU

¹⁰ Yezu kubatangila bonsu. Ke kuambilaye muntu awu ne: — Olola tshianza tshiebe! Kutshiololaye. Tshianza tshiende kuakana.

Luke 6:10 Σταυροειδείς Αναφορές

1 Bakalenga 13:6

Mukelenge wakambila muntu wa Nzambi ne, Undombele luse lua Yehowa, Nzambi webe, bua yeye angakashile tshianza tshianyi kabidi. Muntu wa Nzambi wakamulombela Yehowa ne tshianza tshia mukelenge tshiakakana kabidi bu muakaditshi diambedi.

Misambu 107:20

Wakabatumina dî diandi, wakashikisha masama abo, wakabahandisha mu dibutuka diabo.

Marke 3:5

Mutshima wandi wakanyingalala bualu bua mitshima yabo yakadi mikole; wakabatangila ne tshishi, wakambila muntu ne, Olola tshianza. Yeye wakatshiolola, tshianza tshiandi tshiakakana kabidi.

Luke 6:11

Bakafuna bulobo, bakela tshifufu tshiabo ne, Netuenzele Yesu tshinyi?

Luke 6:9

Yesu wakabambila ne, Ndi musue kunukonka bualu: Tshidi tshimpe ntshinyi, kuenza malu mimpe dituku dia Lumingu, anyi kuenza malu mabi; kusungila muoyo, anyi kûshiha?

Yowanane 5:8

Yesu wakamuambila ne, Bika, ambula bulalu buebe, endaku.