Luke 4:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yesu wakamuandamuna ne, Bakafunda dî ne, Kukuila Mukelenge Nzambi webe, umuenzele yeye nkayandi mudimu.

MUKANDA WA MYIDI MUKULU

⁸ Yezu kumuandamuna ne: — Mukanda wa Mvidi Mukulu udi wamba ne: “Kukuila Maweja-Nangila Mvidi Mukulu webe, umuenzele anu yeye nkayende mudimu.”

Luke 4:8 Σταυροειδείς Αναφορές

2 Bakalenga 19:15

Hezikiya wakatendelela Yehowa, wakamba ne, Yehowa, Nzambi wa Isalele, utu washikama ha mutu ha bakeluba, wewe udi Nzambi nkayebe wa makelenge onso a ha buloba; wewe wakafuka diulu ne buloba.

Misambu 83:18

Mbua bamanye biabo ne wewe nkayebe, ngudi muidike dina dia Yehowa, udi Mutambe Bunene wa ha mutu ha buloba bujima.

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Matayi 16:23

Kadi yeye wakatshinguluka, wakambila Petelo ne, Satana, yila ku nyima kuanyi, wewe udi tshilenduishi tshianyi, bualu bua wewe kuena welangana meshi a malu a Nzambi, udi welangana meshi anu a malu a bantu.

Matayi 4:10

Yesu wakamuambila ne, Satana, umuka; bualu bua bakuanda dî ne, Kukuila Mukelenge Nzambi webe, umuenzele yeye nkayandi mudimu.

Luke 4:4

Yesu wakamuandamuna ne, Bakafunda dî ne, Muntu kikadi biandi ne muoyo bualu bua bidia nkayabi.

Luke 4:7

Biwankukuila, nebuikale buebe.

Dielulula 10:20

Nutshine Yehowa, Nzambi wenu, numuenzele mudimu, nulamate kudiye, nuditshihe kudi dina diandi.

Dielulula 6:13

Nutshine Yehowa, Nzambi wenu, numuenzele yeye nkayandi mudimu, nuditshihe kudi dina diandi.

Yakobe 4:7

Nunku nudikokeshe kudi Nzambi; kadi nukandamene diabolo ne yeye neanunyeme.

1 Petro 5:9

numutantamene bajalame mu ditabusha dienu; bualu bua nudi bamanye ne makenga momumue adi makumbashibue mu bana benu ba mu Kilisto badi ha buloba ebu.

Didimanyisha 19:10

Nakahona ku makasa andi bua kumukukuila. Yeye udi ungambila ne, Tangila bua wewe kuenji nunku nasha. Meme udi muhika nʼebe ne wa bana benu ba mu Kilisto badi ne bumanyishi bua Yesu; ukukuile Nzambi; bualu bua bumanyishi bua Yesu budi nyuma wa mei a baprofete.

Didimanyisha 22:9

Yeye wakangambila ne, Tangila bua wewe kuenji nunku; meme ndi muhika nʼebe ne wa bana benu baprofete, ne wa badi balama mei a mu mukanda eu; ukukuile Nzambi.

1 Samuele 7:3

Samuele wakambila Bena Isalele bonso ne, Binuasua kuhingana kudi Yehowa ne mitshima yenu yonso, nunku numushe nzambi ya bende ne ya Bashela munkatshi muenu, kudimunai mitshima yenu kudi Yehowa, numukuatshile yeye nkayandi mudimu; ne yeye neanusungile mu bianza bia Bena Peleshete.