Luke 12:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yeye wakabelela lusumuinu ne, Budimi bua muntu mubanshi buakakuama bintu bia bungi;

MUKANDA WA MYIDI MUKULU

¹⁶ Nanku Yezu kubelela lusumuinu elu ne: — Kuvua mubanji uvua munowe bintu bia bungi pa madimi ende.

Luke 12:16 Σταυροειδείς Αναφορές

Yobe 12:6

Ntenta ya banyengi ba bintu idi anu ne diakalengele, ne badi bakuatshisha Nzambi tshiji badi bashikama talalâ, nansha yonso mulue ne nzambi wandi mu tshianza tshiandi.

Yobe 24:23

Nzambi udi ubaha ditekemena, ne badi bajadikibuamu; mesu andi adi atangila nshila yabo.

Misambu 73:12

Monai, aba mbantu babi; ne badi kabayi ne ntatu matuku onso, badi bavudisha biuma biabo.

Misambu 73:3

Bualu bua nakadi mukuatshile bantu badi badisue mukau, hanakatangila diakalengele dia bantu babi.

Yezekiyele 16:49

Tangila, ebu buakadi bubi bua muanʼenu wa bakashi Sodoma; yeye ne bana bandi ba bakashi bakadi ne kudisua ne bia kudia bivule, kabayi bakengela tshintu; kabakakolesha maboko a bahele ne a bakengi.

Osheya 2:8

Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Matayi 13:8

makuabo akamata ha buloba buimpe, akavudisha maminu; makuabo lukama lukama, makuabo makumi asambombo asambombo, makuabo makumi asatu asatu.

Matayi 5:45

nunku nenuikale bana ba Tatu wenu udi mu diulu; bualu bua yeye utu wabandishila bantu babi ne bantu bimpe diba, yeye kabidi utu watumina bantu bakane ne bantu babi nvula.

Luke 12:15

Yeye wakabambila ne, Nudimuke, kanukumi mitshima ku biuma; bua muntu kena ne muoyo bualu bua bungi bua bintu bidiye nʼabi.

Luke 12:17

wakelangana meshi munda ne, Ngenze tshinyi? Tshiena ne ha kusangishila bintu bianyi.

Bienzedi 14:17

Kadi yeye kakashala kai ne ntemu; wakanuenzela bimpe, wakanuha nvula ne bidimu bia kuvudisha bia kudia bifume mu diulu, wakûsha mitshima yenu tente ne bidia ne disanka.