Luke 1:32 - Mukanda wa Nzambi Dihungila Dikulukulu ne Dihungila Dihia-dihia 2003

³² yeye neikale munene, nebamuidike dina ne, Muana wa Udi Mutambe Bunene wa mu diulu; Mukelenge Nzambi neamuhe nkuasa wa butumbi wa tatu wandi Davidi;

MUKANDA WA MYIDI MUKULU

³² Neikale munene. Nebamuinyike Muana wa Mvidi Mukulu, Muena kulu. Maweja-Nangila Mvidi Mukulu neamuteke mukalenga, bu muvua nkambua wende Davide.

Luke 1:32 Σταυροειδείς Αναφορές

2 Samuele 7:16

Nsubu webe ne bukelenge buebe nebujadikibue ku mesu kuebe tshiendelele; nkuasa webe wa butumbi neajadikibue tshiendelele.

Misambu 132:11

Yehowa wakaditshiha kudi Davidi ne mutshima udi wa bushuwa, kena ukudimuka bua kubenga dî diandi ne, Neashikike wahatuka munda muebe mu nkuasa webe wa bukelenge.

Misambu 132:12

Biatumikila hana bebe tshihungidi tshianyi ne mikenji yanyi bindualua kubayisha, bana babo baledibue nebashikame mu nkuasa webe wa bukelenge tô ne tshiendelele.

Yeshaya 16:5

mu diba adi nkuasa wa bukelenge neajadikibue mu kuleshangana kua luse. Mukuabo neashikamemu mu kujalama kuandi kua bushuwa, mu ntenta wa Davidi mene, neikale mulumbuluishi udi ukeba kulumbulula ne kulumbulula kuakane, muikale ne lukunukunu lua kuenza bienzedi biakane.

Yirmeya 17:25

mu diba adi bakelenge ne baminyampala babo badi bashikame mu nkuasa wa bunfumu wa Davidi nebabuele ku bibi bia musoko eu, benda mu makalu ne ha nyima ha tubalu; ne bobo ne bakelenge bana babo, bantu ba mu Yuda ne badi bashikame mu Yelushalema; musoko eu newikale ne bantu tshiendelele.

Yirmeya 22:2

wambileku ne, Unvuai dî dia Yehowa, wewe mukelenge wa Yuda, udi mushikame mu nkuasa wa bukelenge wa Davidi, wewe mene, ne bena mudimu bebe, ne bantu bebe badi babuela ku bibi ebi bia ku musoko.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Matayi 1:1

Mukanda wa bankambua ba Yesu Kilisto, muana wa Bayidi, muana wa Abalahama.

Matayi 12:42

Mu dituku dia kulumbulula mukelenge mukashi wa ku sude neabike ne bantu ba tshikondo etshi, neabahishe; bua yeye wakalua biandi kunfudilu kua buloba bua kunvua lungenyi lua Solomo; monai, udi mutambe Solomo udi aha.

Matayi 28:18

Yesu wakalua kudibo, wakabambila ne, Bakumana kumpa bukokeshi buonso mu diulu ne ha buloba.

Matayi 3:11

Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

Marke 14:61

Kadi yeye wakahua, kakamba dî. Muakuidi munene wakamukonka ne, Wewe udi Kilisto, Muana wa Mutumbe, anyi?

Marke 5:7

wakela dî diandi bikole ne, Wewe, Yesu, Muana wa Nzambi Mutambe Bunene wa mu diulu, ndi nʼebe bualu kai? Ndi nkutshihisha mu dina dia Nzambi ne, Kunkengeshi;

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Luke 1:35

Muanjelo wakamuandamuna ne, Nyuma Muimpe nealue kûdi, ne bukole bua Udi Mutambe Bunene wa mu diulu nebukubuikile bu ditutu; nebidike muana wa tshijila uwalela ne, Muana wa Nzambi.

Luke 1:76

Ne wewe muana, nebakubikile ne Muprofete wa Udi Mutambe Bunene wa mu diulu, Bua wewe neuye ku mpala kua Mukelenge bua kumulongoluela nshila yandi,

Luke 3:16

Yone wakabandamuna buonso buabo ne, Bulelela, ndi nubatiza ne mai, kadi udi muntambe meme ulualua, tshiena ne buakane bua kusulula mionshi ya bisabata biandi; yeye neanubatize mu Nyuma Muimpe ne mu kahia;

Luke 6:35

Kadi nuenu suai badi nʼenu lukuna, nubenzele bimpe, nubasombeshe bintu, kanui nubitekemena kabidi; nunku difutu dienu nedikale dinene, nenuikale bana ba Udi Mutambe Bunene wa mu diulu, bualu bua yeye udi wenzela badi kabai bamusakidila ne badi babi malu mimpe.

Yowanane 12:34

Bantu bakamukonka ne, Tuakunvua mu mikenshi ya Nzambi ne, Kilisto udi wikala tshiendelele; ahu munyi mûdi wamba ne, Budi nʼabu Muana wa muntu mbua kubishibua? Eu Muana wa muntu nganyi?

Yowanane 6:69

Tuakuitabusha, tudi bamanye ne, Wewe udi Wa Tshijila wa Nzambi.

Bienzedi 16:17

Wakatulonda, tuetu ne Paulo, wela mbila ne, Balume aba mbahika ba Nzambi Mutambe Bunene wa mu diulu, badi banuambila bua nshila wa luhandu.

Bienzedi 2:30

Yeye wakadi muprofete, wakamanya biandi ne, Nzambi wakaditshiha ne, Nenshikike kankanunuina ka munda muebe ha nkuasa webe wa butumbi;

Bienzedi 2:36

Ka Bena Isalele bonso bamanye bushua ne, Nzambi wakuvuisha Yesu eu unuakushiha ku mutshi mutshiamakane Mukelenge ne Kilisto kabidi.

Bienzedi 7:48

Kadi Udi Mutambe Bunene wa mu diulu kena usomba mu nsubu mibaka ne bianza; bu muakamba muprofete ne,

Rome 1:4

wakamanyishibua Muana wa Nzambi ne bukole ku dibika diandi dia ku bafue, bu mudi nyuma wandi wa tshijila; Yesu Kilisto, Mukelenge wetu.

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,