Luke 1:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi muanjelo wakamuambila ne, Zakâya, kutshinyi, bualu bua bakunvua kulomba kuebe, mukashi webe Elisabeta neakulelele muana, neumuidike ne, Yone.

MUKANDA WA MYIDI MUKULU

¹³ Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Luke 1:13 Σταυροειδείς Αναφορές

Genese 17:10

Etshi ntshihungidi tshidi hankatshi hetu nʼebe ne tunkanunuina tuebe tshinudi nʼatshi bua kutumikila ne, Muana mulume yonso wa munkatshi muenu atengudibue.

Genese 17:19

Nzambi wakamba ne, Nansha, Sala mukashi webe neakulelele muana wewe neumuidike dina ne, Isaka, nenjadike nʼandi yeye ne tunkanunuma tuandi tshihungidi tshianyi bu tshihungidi tshia tshiendelele.

Genese 18:14

Tshintu tshidi mua kuhita Yehowa bukole, anyi? Ku dituku dinakasungula nempingane kûdi, hakumbana ngondo yandi, Sala nealele muana mulume.

Genese 25:21

Isaka wakalombela mukashi wa ndi Yehowa, bualu bua yeye wakadi nkumba, Yehowa wakamunvuila ne Lebeka wakimita difu.

Misambu 113:9

Udi ushikamisha mukashi udi nkumba mu nsubu, umuvuisha muledi wa bana udi ne disanka. Tumbishai Yehowa!

Misambu 118:21

Nenkuhe tuasakidila, bualu bua wakuitaba kundi, wakulua luhandu luanyi kabidi.

Yeshaya 8:3

Hashishe, nakabuela kudi mukashi wanyi wakadi muprofete mukashi wa Nzambi, ne yeye wakimita difu, wakalela muana wa balume. Nunku Yehowa wakangambila ne, Umuidike dina ne, Kuhaula-kua-bintu-kudi-kulua-lubilu, Kunyenga-kua-bintu-kudi-kudiendesha-lukasa.

Danyele 10:12

Hashishe, yeye wakangambila ne, Danyele kutshinyi nansha! Bualu bua dituku diwakateka mutshima webe ku dijingulula dia malu â ne diwakadihuekesha ku mpala kua Nzambi webe, yeye utu unvua mei ebe: nakulua bua kulomba kuebe.

Osheya 1:4

Yehowa wakamuambila ne, Umuidike dina ne, Yizelele; bualu bua hahita musangu muihi, nensombuele mashi a Yizelele akadibo bamatshisha hanshi kudi ba mu tshiota tshia Yehu, nengumushe bukelenge kudi Bena Isalele.

Osheya 1:6

Yeye wakimita difu kabidi, wakalela muana wa bakashi. Yehowa wakambila Hoshea ne, Umuidike dina ne, Udibo-kabayi-bafuila-luse; bualu bua tshiena nfuila Bena Isalele luse bua kubabuikidila mibi yabo.

Matayi 1:21

Yeye nealele muana mulume, umuidike ne, Yesu, bualu bua yeye neasungile bantu handi ku mibi yabo.

Matayi 14:27

Kadi Yesu wakabambila ne, Nukoleshe mitshima yenu; nmeme, kanutshinyi.

Matayi 28:5

Muanjelo wakandamuna bakashi ne, Kanuntshinyi; ndi mumanye ne, Nudi nukeba Yesu, wakashihabo ku mutshi mutshiamakane.

Marke 16:6

Yeye wakabambila ne, Kanukemi; nudi nukeba Yesu Muena Nazaleta, wakashihabo ku mutshi mutshiamakane; yeye wakubika ku lufu; kena munemu; monai muaba wakadibo bamuladike!

Luke 1:14

Wewe newikale ne diese ne disanka; bantu ba bungi nebasanke bualu bua kuledibua kuandi.

Luke 1:30

Muanjelo wakamuambila ne, Malia, kutshinyi; wewe wakusangana luse kudi Nzambi.

Luke 2:21

Hakakumbana matuku muanda mukulu bua kumutengulabo, bakamuidika ne, Yesu, bu muakamuidikabo kudi muanjelo kabai banze kumuimita.

Bienzedi 10:31

yeye wakangambila ne, Kônelio, bakunvua kutendelela kuebe, Nzambi udi uvuluka bua bintu bia luse biutu wahangana.

Balombodi 6:23

Yehowa wakamuambila ne, Ditalala dikale kûdi, kutshinyi, wewe kuena ufila.

1 Samuele 2:21

Yehowa wakavuluka Hana; yeye wakimita kabidi, wakalela bana ba balume basatu ne bana ba bakashi babidi. Muana eu Samuele wakadiunda ku mesu kua Yehowa.