Genese 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa wakakonka Kana ne, Udi ne tshiji bua tshinyi? Udi ubungamina tshinyi?

MUKANDA WA MYIDI MUKULU

⁶ Maweja-Nangila kumukonka ne: — Tshiji ntshia tshinyi? Udi mufike munda bua tshinyi?

Genese 4:6 Σταυροειδείς Αναφορές

Genese 4:7

Biwenza bimpe, kuena ubanduluka, anyi? Kadi biwokala kuyi wenza bimpe, bualu bubi budi bualamina ku mbelu kuebe, mutshima wa bubi newikale kudi, kadi wewe ubukokeshe.

Yobe 5:2

Bulelela, kanyinganyinga kadi kashiha muhote, ne tshiji tshidi tshishika mujibale.

Yeshaya 1:18

Yehowa udi Wamba ne, Luai bienu, tuhunge dî bua bualu ebu: nansha hikala mihi yenu mikunze-kunzû, neyikale ne butoke bua neige; anyi bikalayi mikunze bu mashi, neyikale mitoke bu miosa ya mikoko.

Yirmeya 2:31

Nuenu ba mu tshikondo etshi, unvuai dî dia Yehowa. Nakadi bu tshihela kudi Isalele, anyi? Nakadi bu buloba budi ne mîdima mikole, anyi? Bua tshinyi bantu banyi badi bamba ne, Tudi bakelenge nkayetu; katuena tulua kûdi kabidi?

Yirmeya 2:5

Yehowa udi ukonka ne, Batatu benu bakasangana dihanga kai munda muanyi bua bobo bakandekela, bakaya kule, bakalonda tshintu tshia hatuhu, ne bobo bine bakalua ba hatuhu?

Yona 4:4

Yehowa wakamba ne, Udi wenza bimpe haudi ukuata tshiji nunku, anyi?

Yona 4:9

Nzambi wakebesha Yona ne, Udi wenza bimpe haudi ukuata tshiji nunku bua mudiantondo, anyi? Yeye wakamuandamuna ne, Ndi ngenza bimpe bua kuikala nʼatshi tô ne ku lufu.

Matayi 20:15

Tshiena mumanye mua kuenza ne bintu bianyi bu mundi musue, anyi? Disu diebe didi dibi bualu bua meme ndi muimpe, anyi?