Dibadika 32:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Yehowa wakadi ne tshiji kudi Isalele ne wakabende sha eku ne eku mu tshihela to bidimu makumi anai tô ne hakafua bantu bonso ba tshikondo atshi, bakadi benze bualu ebu bubi ku mesu kua Yehowa.

MUKANDA WA MYIDI MUKULU

¹³ Nanku Maweja-Nangila mmufikile bena Izrayele bonsu munda, mubaladike mu tshipela bidimu makumi anayi, bua bantu bonsu bavua bamutombokela abu babutuke.

Dibadika 32:13 Σταυροειδείς Αναφορές

1 Korente 10:5

Kadi Nzambi kakasanka ne bakuabo babo bakadi bahita bungi; bua bakahoneshibua bafue mu tshihela.

Misambu 78:33

Nunku yeye Wakajimisha matuku abo bu mudi muhuya ujimina, Wakajimisha bidimu biabo mu buowa bukole.

Dibadika 14:32

Kadi nuenu mene, mibidi yenu nenuhone hanshi mifue mu tshihela etshi.

Dielulula 2:7

Bualu bua Yehowa, Nzambi wenu, wakatuadishila disanka mu malu onso anuakenza ne tshianza tshienu; yeye wakamanya ngendu yenu mu tshihela etshi tshinene; mu bidimu ebi makumi anai Yehowa, Nzambi wenu, wakadi nʼenu; kanuakakengela tshintu.

Misambu 107:4

Bakendakana mu tshihela, mu tshihela tshia lusenga muakadi kamuyi nshila; kabakasangana musoko bua kushikamamu.

Ekesode 16:35

Bena Isalele bakadia bidia abi tô bidimu makumi anai, tô ne hakaluabo mu buloba muakadi bantu, baka dia bidia abi tô ne hakaluabo ku matshika a buloba bua Kanâna.

Balombodi 2:14

Tshiji tshia Yehowa tshiakadi kudi Bena Isalele, ne yeye wakabafila mu bianza bia bahandi, bakabahaula; yeye wakabahana kudi bena lukuna bakadi ha buihi nʼabo; kabakamanya mua kuimana ku mpala kua bena lukuna babo kabidi.

Balombodi 2:20

Tshiji tshia Yehowa tshiakadi kudi Bena Isalele kabidi, ne yeye wakamba ne, Bualu bua tshisamba etshi tshiakashiha tshihungidi tshinakahunga ne batatuʼabo, kabakunvua dî dianyi,

Misambu 95:10

Bantu ba mu tshikondo atshi bakantondesha bidimu makumi anai, nunku nakamba ne, Badi bantu badi bahambuka mu mitshima yabo kabena bamanye nshila yanyi.

Amosa 2:9

Kadi meme hanyi nakashiha Muena Amole ku mpala kuabo, bule buandi buakadi bu bua mitshi ya cèdre, ne bukole buandi buakadi bu bua mitshi ya telebinta; kadi nakanyanga mamuma andi akadi kulu, ne miji yandi ya kuinshi.

Amosa 2:10

Meme nakanuluhula mu buloba bua Ejipitu, nakanulombola mu tshihela tô bidimu makumi anai, bua nuenu nuangate buloba bua Bena Amole.