2 Korente 8:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bakajila bintu bu muakadi bukole buabo, ndi mumanyi wa bualu ne, tô ne hakahitabo bukole buabo; bakabifila bu muakasua mitshima yabo,

MUKANDA WA MYIDI MUKULU

³ Ndi nnujadikila ne: bayua bafile bilondeshile dimona diabu, badipitshishe mene.

2 Korente 8:3 Σταυροειδείς Αναφορές

1 Kulondolola 29:9

Hashishe bantu bakasanka bualu bua bobo bakadifila bintu biabo; bualu bua bakafila bintu biabo ne mitshima mitoke kudi Yehowa; mukelenge Davidi wakatamba kusanka kabidi.

Misambu 110:3

Bantu bebe badi badifila kûdi ne disanka mu dituku diudi ukungisha misumba ya masalayi ebe. Bansongalume bebe badi balua kûdi bu mume, baluate biabo bilenga bia tshijila, bahatuke munda mua lunkelu.

Ekesode 35:29

Bena Isalele bonso, balume ne bakashi, ba mitshima miololoke bakitabusha kufila bintu ku mudimu wakadi Yehowa Wambila Mose bua kuenjibua, bakabika kudi Yehowa bu kuha kuabo kua disanka.

Ekesode 35:5

Usangishe kuha kua Yehowa munkatshi muenu; muntu yonso udi witabusha mu mutshima wandi, alue biandi ne kuha kua Yehowa: ne or ne argent ne tshiamu tshia mitaku,

Marke 14:8

Mukashi eu wakuenza bu muakumanyeye mua kuenza; yeye wakungela mananashi hamʼbidi hanyi kabai banze kunjika.

Bienzedi 11:29

Bayidi bonso, muntu ne tshiakadiye nʼatshi muntu ne tshiakadiye batshi, bakahangidisha bua kukuatshisha nʼabi bana babo ba mu Kilisto ba mu Yudaya;

Rome 10:2

Bua ndi mumanyi wa bualu buabo ne, Badi ne lukunukunu kudi Nzambi, kadi kandua lungenyi lulelela.

1 Korente 16:2

Ku dituku dia kumudilu dia Lumingu ne Lumingu, muntu ne muntu wa munkatshi muenu adibutshile bintu, bu muakabiheteye, bua kakuikadi masangisha a bintu hanalua.

1 Korente 9:17

Bua bingenza nunku bua kudisunguila kuanyi, ndi ne difutu; kadi bingikala tshî ngenza nunku bua kudisunguila kuanyi, ndi ne bulami butekibue mu bianza bianyi.

Ngalate 4:15

Kudisankisha kuenu kuakuya hanyi? Ndi mumanyi wa bualu ne, Bu nuenu bamanye mua kuenza nunku, nuakadi kuntudila mesu enu bua kuampa.

Filipe 2:13

bualu bua Nzambi ngudi wenzesha munda muenu bua kusua ne bua kuenza kabidi bualu bua disua diandi dimpe.

Kolose 4:13

Bualu bua ndi mumanyi wa bualu buandi ne, Yeye udi utamba kuikala ne mudimu wa bungi bua bualu buenu ne bua badi mu Laodikiya ne bua badi mu Hielapoli.

1 Tesalonike 2:8

Nunku muomumue, bualu bua tuakatamba kumusua, tuakadi ne disanka dimpe bua kunuha, kendumu luimpe lua Nzambi nkayalu, kadi mioyo yetu kabidi, bualu bua nuakalua banangibue kutudi.

Filemone 1:14

kadi tshiakasua kuenza bualu tshi muanze kumanya mûdi wela meshi, bua buimpe buebe kabuikadi bua ku bukole, kadi bua mu disua diebe.

1 Petro 4:11

Biakula muntu, akule mei bu mudiu mamba kudi Nzambi; biakuata muntu mudimu, enze bu mudi bukole buakamuha Nzambi; enze biandi bua Nzambi atumbishibue mu malu onso bua Yesu Kilisto; kudiye kuikale butumbi ne bukokeshi tô ne ku bikondo bia bikondo. Amen.

1 Petro 5:2

Nulame tshisumbu tshia mikoko ya Nzambi tshidi munkatshi muenu, nubalame, kanui benzeshibue ku bukole, kadi ne mitshima ya disanka bu mu disua dia Nzambi; kambualu bua kukeba biuma, kadi nuikale ne mutshima mulongolola bimpe;