2 Bakalenga 6:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hakasemena bantu aba ha buihi ne Elisha, yeye wakalomba Yehowa ne, Ndi nkusengelela ne, Ufofomeshe mesu a bantu aba. Yeye wakabafofomesha mesu ku dî dia Elisha.

MUKANDA WA MYIDI MUKULU

¹⁸ Kadi, bena mvita ba bena Siriya kusemena pabuipi ne muambi Elisha. Muambi Elisha kutendelela kabidi Maweja-Nangila, wamba ne: — Maweja-Nangila, ufofamije mesu a bena mvita aba. Ke Maweja-Nangila kufofamija mesu abu, bu muvua muambi Elisha mulombe.

2 Bakalenga 6:18 Σταυροειδείς Αναφορές

Genese 19:11

Bobo bakafofomesha mesu a balume bakadi bimane ku tshibi tshia nsubu, bakese ne banene, bakateketa, kabakamona tshibi.

2 Bakalenga 6:19

Elisha wakabambila ne, Eu kanshila nansha, kammusoko nansha; nundonde, meme nennufile kudi muntu unudi nukeba. Yeye wakabalombola ku Samalea.

Yobe 5:14

Badi basangakana ne mîdima mu munya, badi benda babubuta munda munya bu mudibo benza mundankulu.

Osheya 1:7

Kadi nenfuile Bena Yuda luse; nembahandishe ku bukole bua Yehowa Nzambi wabo, tshiena mbahandisha ku buta, anyi ku muele wa nvita, anyi ku nvita anyi ku tubalu anyi kudi bena tubalu.

Zekâya 12:4

Yehowa udi wamba ne, Mu dituku adi nenkuatshishe kabalu konso ne buowa, nempadishe mubandi wa ha nyima haku. Nembulule mesu anyi kudi Bena Yuda, nenfofomeshe mesu a tubalu tuonso tua ba ha buloba!

Yowanane 12:40

Yeye wakafofomesha mesu abo, wakakolesha mitshima yabo; Nunku mesu abo kâmonyi, kabamanyi mu mitshima yabo, Kabakudimunyi mitshima yabo Bua meme kubondaha.

Yowanane 9:39

Yesu wakamba ne, Nakuluila ha buloba bua kulumbuluisha bantu, badi kabai bamona bamone, badi bamona balue bafofo.

Bienzedi 13:11

Katataka mona, tshianza tshia Mukelenge tshidi hamʼbidi hebe, newikale mufofo tshituha, kui mumanye mua kutangila diba. Tshibungibungi ne mîdima biakamuhonena lukasa, wakendakana ukeba muntu wa kumulombola ku tshianza.

Rome 11:7

Nunku ntshinyi? Bualu budi Isalele ukeba, mbudiye kai uheta; kadi basungudibue kudi Nzambi bakabuheta, ne bakuabo bakakoleshibua mu mitshima.

Dielulula 28:28

Yehowa neanuhadishe, neanutumme bufofo, nenufue mikemu mu mitshima yenu;