2 Bakalenga 2:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hakafika tshikondo tshiakasungula Yehowa bua kuya ne Eliya mu diulu mu nvunde, Eliya wakafuma ne Elisha mu Gilegala.

MUKANDA WA MYIDI MUKULU

¹ Matuku a bungi mamane kupita, Maweja-Nangila kuambula muambi Eliya mulu mu tshipepela tshia mvunde. Bivua bienzeka mushindu ewu: Eliya ne Elisha kumuka mu Ngilgale, benda pamue mu njila.

2 Bakalenga 2:1 Σταυροειδείς Αναφορές

Genese 5:24

Hanoka wakendakana ne Nzambi, ne yeye kakikalaku bualu bua Nzambi wakamuangata.

1 Bakalenga 18:12

Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

1 Bakalenga 19:11

Yeye wakamuambila ne Uluhuke, wimane ku mukuna ku mpala kua Yehowa. Yehowa wakahita ne tshihehele tshinene tshikole tshiakahanda mikuna, tshiakatshibula mabue ku mpala kua Yehowa; kadi Yehowa mene kakadi mu tshihehele. Ku nyima kua tshihehele buloba buakakanka, kadi Yehowa mene kakadi mu kukanka kua buloba.

1 Bakalenga 19:4

Kadi yeye nkayandi wakaya luendu lua dituku dimue mu tshihela, wakashikama hanshi muinshi mua mutshi wa genêt; wakalomba Nzambi bua kufueye, wamba ne, Kuakushika mpindiu, Yehowa angate muoyo wanyi, bualu bua meme tshiena muhite batatu banyi buakane.

2 Bakalenga 1:18

Bienzedi bia Ahazaya bikuabo biakenzeye kabiena bifunda mu mukanda wa kulondolola kua malu a bakelenge ba Isalele, anyi?

2 Bakalenga 2:11

Hakatshidibo benda bayikila, monai, dikalu dia kahia ne tubalu tua kahia biakamueneka, biakabahandulula, ne Eliya wakabandishibua mu diulu mu nvunde.

2 Bakalenga 4:38

Elisha wakaya ku Gilegala kabidi, tshiole tshiakadi mu buloba. Bana ba baprofete bakadi bashikame ku mpala kuandi; wakambila muena mudimu wandi ne, Wambile luesu lunene ha kahia, ulambishile bana ba baprofete kaleji.

Yobe 38:1

Hashishe, Yehowa wakandamuna Yobo dî dihatuka mu nvunde ne,

Luke 9:51

Hakamba matuku a kumubandishabo mulu kukumbana, yeye wakambula mpala wandi mutangisha ku Yelushalema bua kuyeye kuakua,

Bienzedi 1:9

Hakambeye dî edi, hakadibo bamutangila, wakangatshibua mu diulu; ditutu diakamuangata, kabakamumona kabidi.

Ebrewu 11:5

Bua ditabusha Hanoka wakumushibua ha buloba, wakatekibua ma diulu bua yeye katangidi lufu, ne kabakamusangana bualu bua Nzambi wakamuteka ma diulu; bualu bua ku mpala kua diumushibua diandi wakadi ne bualu buandi buambibua ne, Yeye wakasankisha Nzambi.

Yoshua 4:19

Bantu bakumuka ku Yadene mu matuku dikumi a ngondo wa kunfudilu, bakasa tshitudilu mu Gilegala ku esete kua Yeleko.

Yoshua 5:9

Yehowa wakambila Yoshua ne, Lelu nakumusha bundu bua Ejipitu kunudi. Nunku badi babikila muaba au ne, Gilegala tô ne lelu.

Didimanyisha 11:12

Ne bakunvua dî dikole difuma mu diulu dibambila ne, Luai bienu kunoku. Ne bakabanda mu diulu mu ditutu; ne bakadi nʼabo lukuna bakabatangila.