1 Samuele 3:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nunku Eli wakambila Samuele ne, Ya ulale: hashishe, biakubikilabo kabidi, wewe umuitabe ne, Yehowa, ambaku, bualu bua muntu webe udi munvue. Nunku Samuele wakaya, wakalala mu muaba wandi kabidi.

MUKANDA WA MYIDI MUKULU

⁹ Nanku Eli kuambila Samuwele ne: — Pingana, uye kulala. Pikalabu bakubikila kabidi, witabe ne: “Maweja-Nangila ngambilaku. Meme muntu webe ndi nkuteleja!” Samuwele kupingana, kuya kulala muaba wende.

1 Samuele 3:9 Σταυροειδείς Αναφορές

Misambu 85:8

Ngunvue bianyi tshidi Nzambi, Yehowa mene, wamba; bualu bua neambile bantu bandi ne bansanto bandi mei a ditalala; kadi kabahinganyi ku nyima bua kulondabo malu a hatuhu.

Misambu 85:9

Bulelela, luhandu luandi ludi ha buihi ne badi bamutshina, bua butumbi bushikame mu buloba buetu.

Ekesode 20:19

Bakambila Mose ne, Wakula biebe nʼetu, netunvue, kadi biakula Nzambi nʼetu, netufue.

Yeshaya 6:8

Hashishe nakunvua dî dia Mukelenge diamba ne, Nentume nganyi, neatuyile nganyi? Nunku nakamba ne, Ka meme eu, untume meme!

Danyele 10:19

Yeye wakamba ne, Wewe muntu munangibue bikole, kutshinyi nansha! Ditalala dikale kûdi! Ikala ne bukole, tantamana biebe! Hakangambileye dî edi nakakoleshibua, nakamba ne Mukelenge wanyi akule biandi, bualu bua wakunkolesha.

Bienzedi 9:6

kadi bika, ubuele mu musoko, nebakuambile bualu bûdi nʼabu mbua kuenza.

Yoshua 5:14

Yeye wakitaba ne, Nansha, nakutuma bu mukelenge wa musumba wa Yehowa. Yoshua wakamututshila mpala hanshi, wakamutendelela, wakamukonka ne, Mukelenge wanyi udi Wambila muntu wandi tshinyi?

1 Samuele 3:10

Yehowa wakalua, wakimana, wakabikila ne, Samuele, Samuele, bu muakenzeye bikondo bikuabo. Samuele wakamuitaba ne, Ambaku, bualu bua muntu webe udi munvue.

1 Samuele 3:8

Yehowa wakabikila Samuele tshiakasatu. Wakabika, wakaya kudi Eli, wakamba ne, Ndiku, bualu bua wewe wakumbikila. Eli wakajingulula ne, Yehowa wakabikila muana.