1 Bakalenga 15:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nadaba, muana wa Yalobama, wakabanga kukokesha mu Isalele mu tshidimu tshibidi tshia bukelenge bua Asa, mukelenge wa Yuda; yeye wakakokesha mu Isalele bidimu bibidi.

MUKANDA WA MYIDI MUKULU

²⁵ Mu tshidimu tshibidi tshivua Asa mu bukalenga bua bena Yuda, Nadabe, muana wa Yerobowame, kudia bukalenga bua bena Izrayele. Kushalaye mu bukalenga bidimu bibidi.

1 Bakalenga 15:25 Σταυροειδείς Αναφορές

1 Bakalenga 13:34

Bualu ebu buakalua bubi kudi ba mu nsubu wa Yalobama, bua kubahidiabo ne bua kubajimishabo ha buloba.

1 Bakalenga 14:12

Nunku ujuke biebe, hingana ku nsubu kuebe; hafika makasa ebe ku musoko, muana neafue.

1 Bakalenga 14:20

Matuku onso akakokesha Yalobama bantu akadi bidimu makumi abidi ne bibidi; wakalala tulu ne bankambua bandi; Nadaba, muana wandi, wakakokesha mu muaba wandi.

1 Bakalenga 15:26

Wakenza malu mabi ku mesu kua Yehowa, wakenda mu nshila wa tatu wandi ne mu malu mabi andi akenzesheye Bena Isalele.

1 Bakalenga 16:21

Hashishe Bena Isalele bakadihandulula bituha bibidi; bakuabo bakalonda Tibeni, muana wa Ginata, bakamusungula mukelenge; bakuabo bakalonda Omeli.