1 Bakalenga 15:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bienzedi bia Asa bikuabo biakenzeye ne bukole buandi buonso ne malu onso akenzeye ne misoko yakaseye kabiena bifunda mu mukanda wa kulondolola kua malu a bakelenge ba Yuda, anyi? Hakadiye muntu mununu, disama diakamukuata ku makasa andi.

MUKANDA WA MYIDI MUKULU

²³ Bavua bafunda malu makuabu a Asa mu mukanda udibu babikila ne: Malu adi bakalenga ba bena Yuda benza. Mu mukanda awu, mbafundemu malu onsu avua Asa muenze, baleja ne dikima divuaye nadi, kabidi ne bimenga bivuaye muibake ne bimana bikole. Asa mumane kukulakaja, kuwulaye makasa.

1 Bakalenga 15:23 Σταυροειδείς Αναφορές

1 Bakalenga 14:19

Bienzedibia Yalobama bikuabo, muakaluanganeye ne muakakokesheye bidi bifunda mu mukanda wa kulondolola kua malu a bakelenge ba Isalele.

2 Kulondolola 14:14

Bobo bakahaula misoko yonso yakadi ha buihi ne Gela, bualu bua ditshina dia Yehowa diakabakuata. Bakahaula misoko ei yonso, bualu bua mu misoko ei muakadi bintu bia bungi.

2 Kulondolola 14:7

Bualu bua yeye wakambila Bena Yuda ne, Tuase misoko ei, tuyinyunguluke ne ngumbu ne bibumba ne bibi bia biamu; buloba butshidi ku mpala kuetu bualu bua tuetu tuakakeba Yehowa Nzambi wetu; tuakamukeba, ne yeye wakutuha ditalala ku nseke yonso. Nunku bakasa misoko, bakadi ne diakalengele.

Misambu 90:10

Matuku a mu bidimu bietu adi akumbana bu bidimu makumi muanda mutekete; anyi, bituikala ne bukole, bidi mua kukumbana bidimu makumi muanda mukulu; kadi dileha diabi didi dituvuishila anu mudimu mukole ne kanyinganyinga, bualu bua bidi bihita lubilu, ne ludi tuya lukasa.