1 Bakalenga 11:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi tshiena ngenza bualu ebu mu matuku ebe, bualu bua Davidi tatu webe; kadi nembunyenge mu bianza bia muanʼebe mulume.

MUKANDA WA MYIDI MUKULU

¹² Kadi bualu bua tatuebe Davide, tshiena nkunyenga bukalenga pautshidi ne muoyi to. Nennyenge bukalenga kudi muanebe.

1 Bakalenga 11:12 Σταυροειδείς Αναφορές

Genese 12:2

Nenkuvuishe tshisamba tshinene, nenkusankishe, nenvuishe dina diebe dinene, ne wewe neuvudishile bakuabo disanka.

Genese 19:29

Hakabutula Nzambi misoko ya mu Mpala, yeye wakavuluka Abalahama, wakumusha Lota munkatshi mua dikenga hakabutuleye misoko kuakadi Lota mushikame.

1 Bakalenga 11:11

Yehowa wakambila Solomo ne, Bualu bua wewe wakatamba kuenza nunku, kuakatumikila tshihungidi tshietu ne mei anyi binakukuambila, bulelela, nenunyenge bukelenge, nembuhe muntu webe.

1 Bakalenga 11:13

Kadi tshiena nkunyenga bukelenge buonso nansha, nempe muana webe tshisamba tshimue bualu bua Davidi, muntu wanyi, ne bua Yelushalema unakusungula.

1 Bakalenga 11:31

Yeye wakambila Yalobama ne, Angata bihese dikumi, bualu bua Yehowa, Nzambi wa Isalele, udi wamba ne, Mona, nenyenge bukelenge mu bianza bia Solomo, nenkuhe wewe bisamba dikumi

1 Bakalenga 11:32

(kadi yeye neikale ne tshisamba tshimue bualu bua Davidi, muntu wanyi, ne tshikuabo bua Yelushalema, musoko unakasungula munkatshi mua bisamba bionso bia Bena Isalele),

1 Bakalenga 11:34

Kadi tshiena nyenga bukelenge buonso mu bianza biandi: nemmuvuishe mukelenge matuku andi onso bualu bua Davidi, muntu wanyi unakasungula, nuakatumikila mikenji yanyi ne mei anyi;

1 Bakalenga 11:35

kadi nenyenge bukelenge mu bianza bia muanʼandi mulume, nembufile kûdi, mbisamba dikumi mene mene.

1 Bakalenga 21:29

Wakutangila bu mudi Ahaba mudihuekeshe ku mesu kuanyi, anyi? Bualu bua yeye wakudihuekesha nunku ku mesu kuanyi, tshiena ngenza malu au makole onso mu matuku andi: kadi nentume malu au makole ku nsubu wandi mu matuku a bana bandi ba balume.

2 Bakalenga 19:34

Meme nensungile musoko eu bualu buanyi, ne bualu bua muntu wanyi Davidi.

2 Bakalenga 20:17

Mu matuku alualua ku nyima bintu bionso bidi mu nsubu webe ne bintu bionso biakabutshila batatuʼebe mu musoko eu, nebiye mu Babulona. Yehowa udi Wamba ne, Nansha tshintu tshimue netshishale.

2 Bakalenga 20:19

Hashishe Hezikiya wakambila Yeshaya ne, Dî dia Yehowa diwakungambila ndimpe. Wakamba kabidi ne, Kakuena bualu, bikalaku ditalala kakuyi ditshina mu matuku andi nshala ne muoyo.

2 Bakalenga 8:19

Kadi Yehowa wakabenga bua kubutula Bena Yuda, anu bualu bua muntu wandi Davidi, bualu bua wakamulaya bua kumushileye bana bandi muinda tshiendelele.

Ekesode 20:5

Kubinaminyi, kubitendeledi, bua meme Yehowa, Nzambi webe, ndi bianyi Nzambi wa mukau, ntu ngatumina bana ba tshihungu tshisatu anyi tshinai badi hanyi lukuna mibi ya batatuʼabo.