Valamuli 11:2 - Tshwa Bible

² A sati wa Gileade i lo mu belekela vana. Laha a vana va sati; wakwe va nga wa kulile, va lo hlongola Jefta, vaku kakwe: U nga taga a tshomba ya yindlu ya raru wa hina, hakuva u nʼwana wa munwani wasati.

Valamuli 11:2 Σταυροειδείς Αναφορές

Genesisi 12:10

Ku wa hi ni ndlala lomu tikweni; na Abrama i lo relela le Gipite a ya tshama kona, hakuva a ndlala yi wa kulile tikweni.

Genesisi 21:10

I te ngalo ka Abrahama: Hlongola a nanza legi ga xisati ni nʼwana wa gona; hakuva a nʼwana wa khumbi a nga na kuga tshomba zinwe ni nʼwana wa mina Isaka. Gal. 4:30

Mavingu 2:16

Gona wutlhari gi ku tlhatlhisa ka wasati wa matiko, i ka muakelane wa xisati, loyi a timhaka takwe ti lapitako;

Mavingu 5:20

U wa ta wungujelwa yini hi wasati wa xibhayi, angarela a sati wa vambe xifuveni xa wena ke?

Mavingu 5:3

Hakuva a milomu ya wasati wa xibhayi yi dona wulombe, i kanwini kakwe ku kulutela ku hunza mafura.

Va le Galatia 4:30

Ahembaloko, yi wula yini mitsalo? Hlongola a wasati loyi wa khumbi ni nʼwana wakwe; hakuva a nʼwana wa wasati wa khumbi a nga taga tshomba zinwe ni nʼwana wa sati wa xiteko. Joh. 8:35; Xip. 3:8

Deuteronome 23:2

Loyi a belekilweko hi wubhayi a nga ta enghena mutlhanganweni wa Jehova; hambu ka khume ga zizukulwana, a nga kona wa xizukulwana xakwe a ta nga enghena mutlhanganweni wa Jehova.

Valamuli 11:1

Makunu Jefta a muGileade i wa hi nhenha; i wa hi nʼwana wa xibhayi, na a pswalwa hi Gileade.

Valamuli 11:3

Zonake Jefta i lo tsutsuma a chava vanakulobye, a ya aka le Toba. Ku lo huma a vavanuna va zihunza-milayo, va tsombana ka Jefta va hloma zinwe naye.