Mavingu 20:7 - Tshwa Bible

⁷ A munhu nene i famba kululameni kakwe; a katekile a vana vakwe va mu lanzelako.

Mavingu 20:7 Σταυροειδείς Αναφορές

Tisimu 112:2

A pswalo wakwe wu tava ni ntamu misaveni, A xizukulwana xa vakululama xi ta katekiswa.

Tisimu 37:26

Wontihe masiku wa zwela wuxinji, a pembisa; A vana vakwe va katekisilwe. Lu. 6:34

Jeremia 32:39

Nzi ta vaha mbilu yinwe nzi va gonzisa ndlela yinwe, ya ku nzi chava kala kupinzuka; va ta kateka, vona ni vana vabye anzhako kabye,

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Mavingu 19:1

A xisiwana lexi xi fambako hi kululama ka xona i hunza a munhu loyi a nga ni milomu ya kukanganyisa, a nga xipumbu,

Mavingu 13:22

A munhu nene wa siyela vazukulu vakwe a tshomba; anilezi a tshomba ya muonhi yi siyelwa valulamileko.

Mavingu 14:2

Loyi a fambako hi kululama wa chava Jehova; anilezi loyi a nga tindleleni to gombonyeka wa mu nyenya.

Tisimu 15:2

Hi loyi a fambako hi nongameto, a mahako kululama; Loyi a wulawulako lisine mbilwini yakwe; Gen. 17:1; Efe. 4:25

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Tisimu 26:1

Nzi yimele kulamulweni, Jehova; Hakuva nzi fambile hi wunene. Hakuva nzi tsumbile Jehova hi kungakanakaniwiko.

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Tisimu 26:11

Kanilezi mina nza famba wuneneni, Nzi tlhatlhise ni ku nzi zwela wuxinji.

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Mavingu 14:26

Kuchaveni ka Jehova ku na ni kutsumba; i vana vakwe va tava ni wutshamu ga wuchavelo.