Mavingu 13:17 - Tshwa Bible

¹⁷ A ntsumi wa kubiha wu wela kubiheni; anilezi a ntsumi wu kholekileko mbutomi.

Mavingu 13:17 Σταυροειδείς Αναφορές

Mavingu 25:13

A tsukano wu tsumbekileko ka lava va wu rumako, u fanana ni kutitimela ka gapongo xikhatini xa kutshovela; akuva wa rutisa a muhefemulo wa nwinyi wakwe.

2 Va le Korinte 5:20

Hikwalaho hina hi mitsumi ya Kristu, hi Nungungulu a mu khongotelako ha hina; ha mu khongotela hi kota ya Kristu, ngha mu tlhanganyiswa ni Nungungulu. Mal. 2:7; Efe. 6:20

1 Va le Korinte 4:2

Tlhatakumbiri ku laveka ka tinekwa lezaku ti kumeka na ti tsumbekile.

Ezekieli 3:18

Loku nziku ka wakubiha: U yimelwe hi kufa, wena na u nga mu tlharihisi, ge hambu ku wulawula nchumu kasi ku tlharihisa loye wakubiha ndleleni yakwe yo biha kasi ku mu ponisa; inaloyi wa kubiha i tafa kugoheni kakwe, kanilezi a nkhata wakwe nzi ta wu lava canjeni ga wena.

2 Timote 2:2

Lezi u zi zwileko ka mina mahlweni ka vakustumunyu vanyingi, zi veke ka vavanuna va tsumbekileko, lezaku ya fela ku zi kota ku gonzisa vanwani. 1 Tim. 1:18

1 Timote 1:12

Nza mu bonga Kristu Jesu a Hosi ya hina, loyi a nga nzi nyika ntamu, hakuva i nzi hlayile loyi a tsumbekileko, a nzi veka ntirweni wakwe; 1 Kor. 7:25; 2 Kor. 3:5, 6; 4:1; Kol. 1:25

2 Va le Korinte 2:17

Hakuva a hi ku khwatsi hi lava vanyingi, lava va bihisako a mhaka ya Nungungulu; kanilezi hi kanela a mhaka ya Kristu Mahlweni ka Nungungulu khwatsi hi vanhu va mbilu yi basileko, na hi kurumetilwe hi Nungungulu.

Jeremia 23:28

A muprofeti loyi a nga ni noro, a wu hlawute; kanilezi loyi a nga ni mhaka ya mina, ngha a kanela yona hi kutsumbeka. Hikuyini mu patsako a mungu ni mavele ke? ku wula Jehova.

Mavingu 26:6

Loyi a rumako mhaka hi xipumbu, a ti tsema milenge, anwa khombo.

Mavingu 25:23

A mheho ya Nwalungu yi neha vula; inghaho ni lirimi li lumbetako li maha tinghohe ti tsuva.

Mavingu 10:26

A munhu wa lolo i kotisa vinagre menweni, ka lava va mu rumako, ni musi mahlweni yabye.

Mavingu 13:18

A wusiwana ni tingana zi tava ka loyi a alako ziluleko; anilezi loyi a amukeleko kukawukwa i ta dzunziwa.

Mitsengo 31:8

Va lo daya ni tihosi ta vaMidiani, ku lo dawa Evi, na Rekemu, na Zura, na Hura, na Reba, ntlhanu wa tihosi ta vaMidiani; va lo daya kambe na Balaami a nʼwana wa Beori hi supado. Jox. 13:21