Joxua 22:5 - Tshwa Bible

⁵ Ntsena lezaku ti woneleni khwatsi, mu maha zileletelo ni nayo lowu Mosi a nanza ga Jehova a mu leleteleko wona, ni ku ranza Jehova Nungungulu wa nwina, ni ku namarela ka yena, ni ku mu khozela hi timbilu ta nwina tontlhe ni mihefemulo ya nwina yontlhe.

Joxua 22:5 Σταυροειδείς Αναφορές

Tisimu 106:3

Va katekile, lava va hlayisako nongameto, Lava va mahako kululama xontlhe xikhati.

Tisimu 78:7

Lezaku va tsumba Nungungulu, Va nga rivali mitiro ya Nungungulu, Va hlayisa milayo yakwe.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 20:6

kanilezi nza va mahela wuxinji kala ka xizukulwana xa khume ga mazana xa lava va nzi ranzako, lava va hlayisako milayo ya mina.

Eksodusi 23:13

Mu ta hlayisa zontlhe lezi nzi mu leleteleko. Mu nga dzuki mu kumbuka a mavito ya vanwani vanungungulu; ngha ma nga zwali milonwini ya nwina.

Eksodusi 23:25

Khozelani Jehova, Nungungulu Wa nwina, zonake i ta katekisa a zakuga za nwina, ni mati ya nwina, a susa mababyi xikari ka nwina.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Jeremia 12:16

Loku va gonzile a tindlela ta vanhu va mina, lezaku va hlambanya a vitweni ga mina, vaku: Hi Jehova loyi a hanyako; kota lezi va gonzisileko vanhu va mina a ku hlambanya hi Baali, zonake va ta akiwa xikari ka vanhu va mina. Deut. 6:13; Efe. 2:19

Mateu 22:37

I te ngalo kakwe: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe. Deut. 6:5; Lu. 10:27

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Mateu 6:24

A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni Mamona. Lu. 16:13; Gal. 1:10; 1 Tim. 6:17

Luka 1:74

A ku hi nyika lezaku laha na hi tlhatlhekile mandleni ya valala va hina Hi ta mu tirela na hi nga chavi nchumu, Rom. 6:18

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 27:23

Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3

Va le Roma 1:9

Hakuva Nungungulu loyi nzi mu tirelako hi moya wa mina ivangelini ya Nʼwana wakwe, i kustumunyu wa mina lezaku a nzi tsiki ku mu alakanya.

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

Deuteronome 11:1

U ta ranza Jehova Nungungulu wa wena, u hlayisa lezi a zi wulileko ka wena, u hlayisa xontlhe xikhati a ziyimiso zakwe, ni zileletelo zakwe, ni milayo yakwe.

Deuteronome 11:13

Loku nwina mu ingisa khwatsi a milayo ya mina leyi nzi mu leletelako inyamutlha, mu ranza Jehova Nungungulu wa nwina, mu mu khozela hi timbilu tontlhe ta nwina, ni mihefemulo yontlhe ya nwina,

Deuteronome 11:22

Hakuva loku mu hlayisa khwatsi yontlhe milayo leyi nzi mu leletelako yona mu famba ha yona; mu ranza Jehova Nungungulu wa nwina, mu famba hi tontlhe tindlela takwe, na mu namerele ka yena,

Deuteronome 13:4

Nwina mu ta lanzela Jehova Nungungulu wa nwina; mu nyika xichawo ka yena mu hlayisa milayo yakwe, mu ingisa a gezu gakwe; mu mu khozela, ni ku namarela ka yena.

Deuteronome 4:29

Hi kona mu ta nga ya lava Jehova Nungungulu wa nwina; lahoke loku u ya mu lava hi mbilu ya wena yontlhe, ni muhefemulo wa wena wontihe, u ta mu kuma. Isa. 55:6; Hos. 3:5

Deuteronome 4:4

Kanilezi nwina lava mu namareleko Jehova Nungungulu wa nwina, nwentlhe ma ha hanya kala nyamutlha.

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7

Deuteronome 5:10

Kanilezi nza va mahela wuxinji kala ka xizukulwana xa khume ga mazana xa lava va nzi ranzako, va hlayisako milayo ya mina.

Deuteronome 6:17

Kanilezi mu ta hlayisa khwatsi a milayo ya Jehova Nungungulu wa nwina, ni wukustumunyu gakwe, ni zileletelo zakwe lezi a mu leleteleko zona.

Maheberu 12:15

Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

Joxua 23:8

Kanilezi namarelani ka Jehova Nungungulu wa nwina, khwatsi hi lezi mu mahileko kala nyamutlha.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

1 Samueli 12:20

Samueli i te ngalo ka vanhu: Mu nga chavi. Hakunene mu mahile kubiha, ntsena lezaku mu nga tsiki ku lanzela Jehova, kanilezi khozelani Jehova hi timbilu ta nwina tontlhe.

1 Samueli 12:24

Ntsena lezaku chavani Jehova, mu mu khozela hizinene hi timbilu ta nwina tontlhe; hakuva cuwukani mitiro ya hombe leyi a yi mahileko xikari ka nwina.

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8