Eksodusi 19:6 - Tshwa Bible

⁶ Mu tava tiko ga vapristi, a tiko gi basileko. Leti hi timhaka leti u ta nga byela a vanana va ka Israeli. Deut. 7:6; 1 Ped. 2:9; Kuv. 1:6; 5:10

Eksodusi 19:6 Σταυροειδείς Αναφορές

Kuvululelwa 5:10

u va yimisa a kuva mufumo ni vapristi va Nungungulu wa hina, va fumela misaveni. Ekso. 19:6; 1 Ped. 2:5, 9

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

Kuvululelwa 1:6

a hi maha hiva mufumo, ni vapristi va Nungungulu Dadani wakwe, a ka yena a kuve wudzunzo ni kufuma kala kupinzuka ni kupinzuka. Amen. 1 Tim. 6:16; 1 Ped. 2:5

Deuteronome 7:6

hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.

Deuteronome 28:9

Jehova i ta ku yimisa lezaku uva tiko legi gi basileko, khwatsi hi lezi a hlambanyileko ka wena, loku u hlayisa a milayo ya Jehova Nungungulu wa wena, ni loku u famba hi tindlela takwe. Ekso. 19:6

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Deuteronome 26:19

lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19

Levi 19:2

Byela a hlengeletano wontihe wa vanana va ka Israeli, uku ka vona; Basani, hakuva mina rizi basile, mina Jehova, Nungungulu wa nwina.

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Kuvululelwa 20:6

I katekile i basile loyi a nga ni xiavelo kuvukeni ko sangula, a kufa ka wumbiri a ku na ntamu hehla ka vakunghaho; kanilezi va tava vapristi va Nungungulu ni va Kristu, va ta fuma naye 1,000 wa malembe. Isa. 61:6; 1 Ped. 2:9; Xip. 2:11

1 Va le Korinte 3:17

Loku munhu a lovisa a tempeli ya Nungungulu, Nungungulu i ta mu lovisawu; hakuva a tempeli ya Nungungulu yi basile, a tempeli leyi mu nga yona nwina. Maheb. 3:1

Isaya 61:6

Kanilezi nwina mu ta chuliwa ku Vapristi va Jehova, Va ta mu vitana lezaku mu Malanza ya Nungungulu wa hina. Mu taga a titshomba ta vamatiko, Ni wukosi gabye gi tava ga nwina.

Levi 20:26

Nwina mu tava va basileko ka mina, hakuva mina Jehova nzi basile; nzi mu hambanyisile xikari ka manwani matiko, kasi mu fela kuva vanhu va mina.

Deuteronome 14:21

Nwina mu nga taga xa kufa ha xoce. Wena u nga xi nyika muluveli loyi a akileko laha mutini wa wena, aga; kutani ku xi xavisa ka wamatiko; hakuva nwina mu vanhu va basileko va Jehova Nungungulu wa nwina. U nga bhiki ximhutana mafini ya nyine wa xona.

Levi 21:23

kanilezi ngha a ngayi kusuhani ni nguwo ya xisirelo, hambu ni ku tshinela laha alatini, hakuva yena xilema; u nga nyenyezisa a wutshamu ga mina go basa, hakuva hi mina Jehova loyi a gi basisako.

Levi 20:24

Nzi sina nzi mu byelile lezaku: Nwina mu taya fumela a tiko gabye, nzi ta mu nyika gona giva tshomba ya nwina; a tiko gi khulungako masi ni wulombe. Hi mina Jehova, Nungungulu wa nwina, loyi nzi mu hambanyisileko xikari ka matiko.

1 Va le Tesalonika 5:27

Nza mu hlambanyisa ka Hosi lezaku a papilo legi gi gonzwa ka vamakabye vontlhe.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 22:31

Nwina mu tava vanhu va mina va basileko: mu ngagi a nyama leyi yi hanzulweko khwatini hi zivanza, mu ta yi cukunyeta le timbyaneni. Ezek. 44:31

1 Tihosi 3:8

A nanza ga wena gi lomu xikari ka vanhu va wena, lava u va hlawulileko, a vanhu va teleko, va tsanza-vahlayi hi kota ya ku tala kabye. Gen. 13:16; 1 Tih. 1:20

1 Tihosi 8:53

Hakuva wena u va hambanyisile ni matiko wontihe ya misava a kuva tshomba ya wena, kota lezi u wulileko hi nanza ga wena Mosi, a xikhatini lexo u nga humesa vakoko va hina te Gipite, Hosi Jehova!

1 Kronekele 17:22

Wena u yimisile a vanhu va ka Israeli a kuva va wena kala kupinzuka; wena Jehova u Nungungulu wabye.

Isaya 43:4

Hakuva wena wa ranzeka mahlweni ka mina, Ni ku dzunzeka, kambe nzi ku ranzile; Hikwalaho nzi ta ku tirula hi vanhu, Nzi nyikela matiko kasi ku ku hanyisa.

Isaya 66:21

Ni xikari ka vonawu nzi ta teka lava va ta ngava vapristi ni vaLevi, ku wula Jehova. 1 Ped. 2:5

Jeremia 2:3

Israeli i wa basiselwe Jehova, A mbhanzu wo ranga wa kutshovela kakwe; Vontlhe lava va mu gako va tava ni nanzu, Va ta humelwa hi khombo, ku wula Jehova. Jak. 1:18

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Jeremia 13:11

Hakuva kota lezi a bhandi gi namarelako xiwunwini xa munhu, hizalezo nzi mahile yontlhe a yindlu ya Israeli ni yontlhe a yindlu ya ka Juda ti namarela ka mina, ku wula Jehova, kasi vave ka mina a tiko, ni vito, ni wudzunzo, ni wukulu; kanilezi a va vumelangi ku ingisa. Deut. 26:19

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Eksodusi 28:36

Zonake u ta maha a xapa hi nzalama yi hlutilweko, u tsala ka yona hi ku kehla, khwatsi hilezi ku kehliwako zona laha ka phera, u tsala timhaka leti: Ku basiselwe Jehova.

Mitsengo 16:3

Va lo tsombana va vukela Mosi na Aroni, vaku ka vona: Zi ringene, hakuva wontihe tlhangano wu basile, na Jehova i kona xikari ka wona! Hikuyini mu ti kukumukisa hehla ka tlhangano wa Jehova ke?

Tisimu 114:2

Juda i lo maha wutshamu gakwe gi basileko, Na Israeli ava kufuma kakwe.

Hagai 2:5

khwatsi hi xivumelwano xa mina lexi nzi nga maha na nwina laha mu nga huma hi le Gipite, ni Moya wa mina, wu tshamile xikari ka nwina: mu nga chavi!