SAN MARCOS 6:31 - Tepehua Pisaflores

³¹ Yucha jajuniy: ―K'at'at'itcha, katala'xtinuw, tan wa jasa'nik'acha k'at'ijast'aknana'it. Mu lhuwi yu ixtacha'an chi yu ixtatasp'itcho'oyachalhcha, pus jantucha layi masi wa katitawaylhcha.

SAN MARCOS 6:31 Σταυροειδείς Αναφορές

SAN MARCOS 3:20

Wanajcha lhilhuwi jumpalakalh, jantucha layi masi wa katitalakwaylhcha.

SAN MARCOS 1:45

Pero yucha akxni alhcha, tsukulhcha laknajuni tani putapasalhcha, pus an Jesús xli'astan jantucha wanaj lay ixtanuyachalhi ixlitalakasun an la'acha'an, wa ma'atcha istsukuyachalh tan wa la'asa'nik'a, pero wa tanchuncha ixtalakminachalh ixtala'cha'an.

SAN JUAN 6:1

Ixli'astan, an Jesús alhcha an ixtapiktutam ay xalakxkan Galilea, jumpalhkan Tiberias.

SAN MARCOS 3:7

Walh an Jesús chi an ixt'alhtanan ta'alhcha ixpiktu an lakxkan, lhuw lapanakni tama'alh. Jamacha'an Galilea, chi Judea,

SAN MATEO 14:13

Akxni k'atsaalhcha an Jesús li tama'nilhi an Juan, tajulhcha laka barco, alhcha ma'at tan wa jasa'nik'a, pero an lapanakni tala'ts'ilhi tan pu'alh, pus tat'a'alh, yu'uncha wa lakaat'uni tapu'alh akxni tataxtulh an la'acha'anaxni.