SAN JUAN 8:24 - Tepehua Pisaflores

²⁴ Xliyu iklalhijunaw li la mintala'alhink'ani k'alakniya'it'it, mu li jantu kilakiklaka'iyawi li kit'in, la mintala'alhink'ani k'alakniya'it'it.

SAN JUAN 8:24 Σταυροειδείς Αναφορές

SAN MATEO 24:5

Mu lhuwi katamina yu katanawna li yu'uncha Cristo, chi lhuwi katata'o'xcho'oya'.

SAN MARCOS 13:6

Mu ixluwk'ani katamina yu katanawna: Kit'ini ijCristo, chi ixluwk'ani katata'o'xcho'oya'.

SAN MARCOS 16:16

Yu kakiklaka'iya chi ka'a'paxa, kata'alhtaxtuya'. Pero yu jantu katikiklaka'ilh, kala'a'iya lhima'alh'ajna.

SAN LUCAS 21:8

Yucha jajuniy: ―K'ajalajk'ats'anant'it para li jant'u k'a'o'xch'o'ok'ant'it, mu ixluwk'ani yu katamina katanawna li yu'uncha Cristojnin, chi jantucha ma'an, waniycha, pero jant'u k'ajach'a'o'at'it.

SAN JUAN 13:19

Chawaycha iklamak'atsaaniyaw akxni jantuka' tapasay, para li akxni katapasayacha k'ak'iklak'a'iya'itcha li kit'in.

SAN JUAN 3:18

’Yu kiklaka'iy jantu katimama'alh'ajnikalh, pero yu jantu kiklaka'iy yucha o'sliyancha li kamama'alh'ajnikana', mu jantu kiklaka'iya an isTs'alh Dios.

SAN JUAN 3:36

Yu kiklaka'iya an isTs'alh Dios lhit'ajuncha an jatsukunti yu jantu katimin'olh. Pero yu jantu kiklaka'iputun jantu katila'ts'ilhi an jatsukunti, yucha kala'a'iya an ay lhima'alh'ajna yu kaxta'niya an Dios.

SAN JUAN 4:26

An Jesús alhtaylh: ―Yucha kit'in, kit'in yu ikt'achiwint'awnan.

SAN JUAN 8:21

A'tam jajumpalhi an Jesús: ―Kit'in ikti'ancha, chi uxitnan akilapuxkawyaw, pero uxitnan la mintala'alhink'ani k'alakniya'it. Tan ikti'an kit'in, uxitnan jant'u lay k'at'ip'it'it.

SAN JUAN 8:25

Wa chuncha tajuniy: ―¿Tisu uxint'ichak'at'i? An Jesús jajuniy: ―Yu p'ulhnajcha iklajuntaw.

SAN JUAN 8:28

Pus an Jesús jajuniy: ―Akxni talhmancha k'amuk'aya'it an yu isTs'alh Lapanak kijunchilh, akxnich'a k'ak'ats'aya'it li kit'in, chi li jantu tu'u ik'ilhtuy yu wa kit'incha iknajun, kit'in ikchiwiniy tacha kimasuniy an kimPay.

SAN JUAN 8:58

An Jesús jajuniy: ―Sawalhi ani yu iklajunaw, akxni jantuka' istsukuy an Abraham, kit'in xakt'ajuncha.

LOS HECHOS 4:12

Chi jantu xamati apumatami lay katijama'alhtaxtunulh, mu ta ixlijalhi'ay ani lakamunulhpa, an Dios jantu xamati apumatam lapanaki kintaxta'niyan yu lay akintama'alhtaxtun.

HEBREOS 12:25

K'ajalajk'ats'anant'iti li jant'u wa k'ala'amaj'ant'iti an yu chiwiniy, mu li jantu tata'alhtaxtulhi an yu wa tala'amaj'alh an yu jalaj'aymalh ani lakaat'un, palaycha kitnan, li wa la'amaj'anawi an yu kintalaj'aymalakaminan sta anu lakt'iyan.

HEBREOS 2:3

¿Tasucha kalhita'alhtaxtuyaw kitnan li jantu katilhistakwi an la'atam ay ta'alhtaxtuti? Yucha an Jamach'alhkati yu p'ulhnaj jamak'atsaaninilh ani ta'alhtaxtut, ixli'astan kintamak'atsaanincha an yu ta'asmatlhi ani chiwinti.