Yu'uncha tajuniy: ―Ali'in tanajun ma jama'paxanaj Juan, chi ali'in tanajun ma Elías, chi ali'in tanajun ma Jeremías, u ma wa xatichicha yu ixlichiwiniy ixchiwinti Dios.
Chi kit'in aklamakminiyawi an yu nawlh kimPay li kamakmina'; pero uxitnan k'asa' t'awlat'iti ani la'acha'an Jerusalén, sta li akxni k'ala'a'iya'itcha an yu alhp'as k'ap'u'una'it an yu kaminanta lakt'iyan.
Pero an Juan jajuniy: ―Kit'in wa laka xkani klama'paxayaw, pero kamina pumatam yu palay ay, kit'in jantu, yucha katama'paxayan la ixTakuwin an Dios chi laka jikmi, yucha jantu ikt'acha'ani masi wa ak'o'x'otnilhcha ixwarachi.
Ixchuxk'an an yu ixtama'anta talaktalhanalh, chi ixtaxta'niycha lhimala'puchajuni an Dios, ixtalaknajun: ―Ayi ani yu lhichiwiniy ixchiwinti Dios, yu makminkanta ani tan t'awnaw. An Dios minta jama'alhtaxtunu an ixlapanakni.
Tajuniy an Juan: ―¿Pus mu li jantu uxint'i Cristojk'at'i, chi jantu Elíask'at'i chi jantu uxint'i an yu kamina lhichiwiniy ixchiwinti Dios, t'asu li jama'p'axanancha?
Wa ixlip'ulhnaj an ixt'alhtanan an Jesús jantu talhimacha'xalh, pero ixli'astan, akxni an Jesús la'ayakalhcha, akxni tapastaklhicha li chuncha ixlits'o'muk'akanta li yucha ixlichiwininta tacha an ta'ilhtulh.
Pero an yu katalhi'a'tayjuyan, an Stalan'a Takuwin yu kamakminanta an kimPay la kinta'a'ut, yucha katamasuni'oyani an laktanlhun chi katamapast'ak'ani'oyani chux tacha an iklajuntaw.
Pero kit'in iklajunaw yu sawalh: Oxi para uxitnani li kit'in ak'alh. Mu li jantu ak'alh, an yu katalhi'a'tayjuyan jantu katitala'min, pero li ak'ana, aklamakminitacha'aw.
Akxni chunchacha chiwin'olh an Jesús, tala'st'alhcha an lakt'iyan, najun: ―KimPay, an panch'e'ex chilhcha. K'amasut'icha aminTs'alh li ay, para li aminTs'alh wachucha kamasuni li ayk'at'i.
An lapanakni akxni chunchacha tala'ts'ilh ilhtulh an Jesús, ixtanajun: ―Yucha anicha sawalhi an li yu kamina lhichiwiniy ixchiwinti Dios ani lakamunulhpa'.
An lapanakni sawalhcha ixtalhichiwiniya an Jesús. Ali'in ixtanajun: “Yucha oxi lapanak.” Pero ali'in ixtanajun: “Jantu, wa ja'o'xcho'oycha an lapanakni.”
An Dios najun, Akxni xalakti'astancha wilhchan, akpuxte'emaj'ana an kinTakuwin la ix'ukxnik'an chux an lapanakni. Amijas'at'ank'an, ts'alan chi jatsi'in, katanawna kinchiwinti, an yu lakts'alaninka katala'puminatnana yu katapasaya', chi an yu laktatanincha katajala'awanana'.
Akxni an Dios la'ayalhcha an Jesús chi ulachalhcha tan oxi ixpa'xti chi xta'nilhcha an Stalan'a ixTakuwin, yucha wanajcha chuni kintaxta'nin tacha xakintajuntan li akintaxta'niyan. Pus chaway yuch'ach'a t'ach'a ani la'ts'inat'it ch'i asmat'at'it.
An Pedro ja'alhtaylh: ―K'amak'a'unt'itcha mintala'alhink'an ch'i k'alaj'a'p'axt'itcha la ixta'a'ut an Jesucristo, para li an Dios katamala'mixinini mintala'alhink'an, walh laniy chuncha kataxta'niyani an Stalan'a ixTakuwin.
Ixchuxk'an wanaj tala'a'i'olhi an Stalan'a Takuwin, chi tsukulhcha talakchiwiniy tumpaj chiwinti, tacha yu jaxta'nilhcha an Stalan'a Takuwin li katachiwinilh.
An IxDiosk'an Abraham, chi Isaac chi Jacob, an IxDiosk'an yu ta ixjalhila'ts'inaw, yucha masut'ajun ixta'ayat an isTs'alh, yu junkan Jesús, an yu uxitnan ma'axt'a't'it laka lakjamach'alhkat chi uxitnan la'amaj'ant'iti akxni an Pilato ixnajuncha li kamakawna'.
Akxni tatapayni'olhcha, an tan ixta'ayxto'nun, laklalh. Chi ixchuxchak'ani alhp'as jala'cha'alh an Stalan'a Takuwin. Chi jantucha ixtatalhanani ixtalhichiwiniy an ixchiwinti Dios.
Pero uxitnan jantucha yu p'ut'awnat an yu wa mijatapast'ak'atchak'an lakask'in, yucha an tacha lhi'achaniycha Takuwin, mu an ixTakuwin Dios la mijatsukuntichak'ani t'ajun. Yu jantu lhit'ajuni an ixTakuwin Cristo, jantu ixlapanak an Cristo.
Jant'u k'ama'ant'a'oxila'alhinit'i an Stalan'a ixTakuwin Dios, an yu p'useyojlak'ant'it para li k'ap'umisp'ak'ant'itcha akxni k'ama'alht'axt'uk'ana'it.