SAN JUAN 7:37 - Tepehua Pisaflores

³⁷ Akxni wa x'amancha wilhchan an laka k'atan, mu yucha yu palaycha ixlitapalay, an Jesús tayalhcha chi p'ascha najun: ―Li xamati kikxixa, akila'milhcha, chi ka'ot'a' xkan.

SAN JUAN 7:37 Σταυροειδείς Αναφορές

SAN MATEO 11:28

Akilala'miwi yu la'lho'ont'at'it ch'i yu mak'uk'anant'at'it, aklamast'ak'ayaw.

SAN MATEO 3:3

Yucha anicha lapanaki yu an ixlichiwiniy Isaías, yu ixlichiwiniy ixchiwinti Dios tan ixnajun: “Chiwinkani an lakak'iwin, nawkan mintacha an ay Jamach'alhkat, k'ala'asijt'itcha para li akxni kachina ts'awjch'a t'awnat'it.”

SAN MATEO 5:6

’Oxi para yu'uncha an yu sawalhcha talakask'in li ka'ilhtukalhi yu Dios lhinajun, mu yu'uncha kajama'an'achakana'.

SAN JUAN 1:23

An Juan ja'alhtaylh: ―Kit'ini an chiwinti an yu ixchiwiniy p'as an tan wa sa' junita, tan ixnajun: “K'alats'awalat'iti an ixtij an Jamach'alhkat Cristo.” Tacha an nawlh Isaías, yu ixlichiwiniy ixchiwinti Dios.

SAN JUAN 14:6

An Jesús juniy: ―Kit'ini yu iktij, kit'ini yu iksawalh, chi ikjatsukunti, li jantu kit'ini akintipu'alh wa tichicha, jantu lay katila'cha'alh an kimPay.

SAN JUAN 4:10

Pus an Jesús alhtaylh juniy: ―Li k'a'ixk'ats'at'i yu xt'a'a an Dios, chi tichini yuchacha an sk'iniyan xkan, uxint'i yuch'a k'a'isk'inin, chi yucha ka'ixta'nini xkan yu la'ajunta.

SAN JUAN 4:11

An t'aku juniy: ―Jamach'alhkat, jant'u t'u'u lhit'a'un yu k'ap'umak'ut'u an xkan, chi an pozo putalhman. ¿T'anisch'a k'a'iya'a xkan yu ak'ixt'a'niya'a yu la'ajunta?

SAN JUAN 4:14

pero yu ka'ot'a an xkan yu kit'in akxta'niya jantucha a'tam katikikxixli. Mu an xkan yu kit'in akxta'niya la ixjatsukunticha kataxtutawla yu kaxta'niyacha ixjatsukunti yu jantu min'ojoy.

SAN JUAN 5:40

Walh jantu kilala'mimputunawi para li k'alhits'uk'ut'iti an jatsukunti.

SAN JUAN 6:35

An Jesús jajuniy: ―Kit'ini ikpan yu xt'a'a jatsukunti. Yu akint'amina jantu a'tam katichawanalh, chi yu kinkiklaka'iy jantu a'tam katikikxixli.

SAN JUAN 6:37

Ixchuxk'an yu kijaxta'niy an kimPay, akintala'mina', chi yu kintala'min jantu aktijasastuklhi.

SAN JUAN 6:55

Mu an kijakanit yucha yu wayt sawalh, chi an kijak'alhni yucha yu lhi'ot'at sawalh.

SAN JUAN 7:28

Pus wa chuncha an Jesús ja'alha'asmatlhicha, mu ixmasut'ajun an laka tajtan, pus p'ascha jajuniy: ―¡Pus kakilamispayaw ch'i k'ak'ats'ayat'it'i tanchuncha ikmintachalh! Pero kit'in jantu wa kijatalapututcha li ikminta, yu kimakmintachalh yucha yu sawalh, uxitnan jant'u misp'ayat.

1 CORINTIOS 10:21

Jant'u lay k'at'ip'u'ott'it an ixvasoj Dios ch'i a't'am k'ap'u'otp'alat'iti an ixvasojk'an lakmakxkay'un, ch'i jant'u lay k'at'ima't'awlat'iti la ixmesa an Dios chi a'tam k'alakt'awlhp'alat'iti la ixmesajk'an an lakmakxkay'un.

1 CORINTIOS 10:4

chi ixchuxk'ani ta'otlhi xkan yu Dios jaxta'nilh. Mu ixta'ot'a an xkan yu ixtaxtuy lakatam laka chiwx yu Dios ixja'ulanita, ani chiwx yucha an Cristo, yu ixjat'a'anta.

1 CORINTIOS 11:25

Chi wanajcha chun akxni talak'u'olhcha an pan, xa'a'ipalh la'atam vaso, chi najun: “Ani vaso yu putajun kijak'alhni yucha masuy li an Dios sast'icha chiwinti japut'atamakawcho'oy an ixlapanakni, chi wa ta a'chuxcha ch'unch'a k'a'ilht'uya'it k'a'ot'a'it, akilalhipast'ak'aw.”

1 CORINTIOS 12:13

Chi wanajcha chuni kinchuxk'an, yu judiojnin chi yu jantu judiojnin chi yu wa japutapatsakancha lapanakni chi yu jantu. Kintama'paxakan para li wa la'atamcha lakatunaja kajunwi, chi wa pumatam Takuwini yu kintama'paxan. Chi kinchuxk'ani kintaxta'nikan an Takuwin para li akintala'tanuncha.

EFESIOS 5:18

Jant'u k'ala't'a'ap'at'it, mu yucha wa kata'ilhtuyancha li wa t'ani k'alat'itcha, apalij yucha an Stalan'a Takuwini katapu'a'tsaman.

APOCALIPSIS 21:6

Chi kijumpalay: ―Chaway la'olhcha. Kit'in ik'Alfa chi ik'Omega, yu p'ulhnaj chi yu astan. Yu kikxixa, kit'ini akxta'niya xkan an tan taxtuta, yu xt'a'a jatsukunti, chi jantu tu'u aktich'ilh.

APOCALIPSIS 22:1

Ixli'astan an angelh kimasunilhcha la'atam yu jantu smala'a ayxkan, lhi'anta xkan yu xt'a'a jatsukunti, wa stalan'acha, an la ixputawlank'an yu tapuch'alhkatnan an Dios chi an Jas'at'a Borregojo ixajtachilh.

APOCALIPSIS 22:17

An Stalan'a Takuwin chi an ixli'it an Jas'at'a Borrego tanajun: ―¡K'at'at'icha! Chi yu asmat'a wachu kanawlh: ―¡K'at'at'icha! Chi yu kikxixa kamilh, chi yu lakask'in, ka'otlhicha an xkan yu xt'a'a jatsukunti, jantu tu'u katimapalalh.