SAN JUAN 1:6 - Tepehua Pisaflores

⁶ Kilachilh pumatam lapanak yu ixmala'achatachalh an Dios, ixjunkan Juan.

SAN JUAN 1:6 Σταυροειδείς Αναφορές

SAN MATEO 11:10

Mu ani jama'paxanaj Juan yucha an yu lhichiwininta la ixchiwinti Dios, tan najunta: P'ulhnaj akmak'ana yu ka'ana lhichiwiniy an kinchiwinti para li kamala'asijnilhi mintij.

SAN MATEO 21:25

Tacha an ixjama'paxanan an Juan, ¿tisiyuchacha ixlijuniya, Dios u wa yucha an lapanaknicha ixtalhijuniy? Pus wa chuncha tsukulhcha talhilakchiwiniy, talajuniy: ―Li kajunaw li Dios, akintajunan: “¿P'us ch'i li jant'uch'a k'iklak'a'it'iti?”

SAN LUCAS 1:13

Pero an angelh juniy an Zacarías: ―Zacarías, jant'u k'at'alhan, mu amintapaynit asmatnik'acha, chi amint'iwi Elisabet kaxta'niyan pumatami mints'alh, Juan k'a'ulaniya'a ixta'a'ut.

SAN LUCAS 1:76

Chi uxint'i kints'alh, uxint'i kapuchiwininan an yu talhman wilhchalh, mu k'at'ap'ulhniya'a an Jamach'alhkat para li k'ala'oxinin an ixtij.

SAN JUAN 1:33

Kit'in jantu xakmispay, pero an yu kimakmilh li akmilh jama'paxana lakaxkan kijunilh: “An yu k'ala'ts'ina'a li kalakpatawlanta an ixTakuwin Dios akxni kata'alhtajuya, yucha yu jama'paxanan laka Stalan'a ixTakuwin Dios.”

SAN JUAN 3:28

Uxitnan k'ats'ayat'iti li iknajun li jantu kit'ini ijCristo, kit'in wa p'ulhnajcha kimakminkanchalh.

LOS HECHOS 13:24

Akxni jantuka' ixmin an Jesús, an Juan ixjalhixa'alaycha an xalapanakni Israel an ixchiwinti Dios, ixjajuniy li katakiklaka'ilhcha an Dios chi li katalaj'a'paxlicha.