Tuma 9:2 - Tampulma

² a ŋɔ un di o saksiu o la tɔhɔn naa ba yir Damaskus chen a la dɛu nibaal awa nihaana ba naa la tiŋ Yesu nyinbaan, bɔnɛ a kpa ba bur wa Jɛrusalɛm. O fun sumi un di o sɔbi tɔna a nyɛ Ju tim ba naa la pu dɔŋa a li ba bar lagmi dɛɛna a biksi ba nibin ne naa ya un, chen ni ba zi suŋi unu.

Tuma 9:2 Σταυροειδείς Αναφορές

Mat. 10:17

Ma doso. Nara zi kpak mau wa kpok ni a la sɛria bar diili dɛ. Ba zi tuksi ma wa vurmsi niu a li ba bar lagmi dɛɛni ta ni.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Tuma 18:25

O funɛ zim chenani nara tiŋ ya kunyan ti, amaa ba wa fun kpa Yesu sɔn a chaksi un. Ba ka funɛ kpa nire a chaksi un a chi chenani Jɔn fun chaksi nara wa ni ni chen. O funɛ biksi Ɛfɛsus tima wuti awa si sɛm nɛɛ Yesu wɛ.

Tuma 19:23

Chen saha ti nidamata funɛ tiŋ ya kunyan ti nyinbaan. Chendaha ba naa funɛ nyɛn Ɛfɛsus ni nyɛ o dam.

Tuma 19:9

Ba bɔnɛ bambe funɛ kpoku ka ba se vɛ su o sɛm ta. Ba fun sɛm wu tagna a du ya kunyan ti nyinbaan tiŋi ti ni a li nara tima maga suwachak ni. Pɔɔl funɛ nu chenani ba sɛm, o wa Yesu nitiŋɛ ta fun gil ba a la zu dɛ zen digi. Nibiksi naa ba yir Tiranus gbanko yaa funɛ biksi narau dooni. Wuzu kam Pɔɔl yaa funɛ biksi Yesu nitiŋɛ ta dooni ka ba lɛusi un.

Tuma 24:14

amaa chenani mu kaa ŋɔ hin chen ya wutirɛ. Mu yaa tiŋ Koosa jɛɛmi nyinbaan naa Ju tim ta ŋɔ di o wa ya wuti. Waa funɛ ya naa ya nawaalsi ta jɛɛmi a kpa a chiksɛ ta a nyɛ Mosis ni a nyɛ o witinsi ta sɔbi o sɛm ta a du o sɛm tɔn ti ni. O chiksɛ ta awa chenani maga ba sɔbi a du o sɛm tɔn ti ni ha vɛɛn ya mu kinawa.

Tuma 24:22

Filiks funɛ zim chenani nara tiŋ Yesu nyinbaanu kinkan. O fun ŋɔ ba di lagmi ti petiu a vɛɛn ŋɔ, “Nihɛɛ nyuhu tiin ti, Lisias, wa wa, mu zi lisi chenani mu kaa yau.”

Tuma 26:10

Koosa dam kɔkɔɔrsi ta funɛ nyɛ min kpok di mu kpaksi Koosa nara ba naa nyɛn Jɛrusalɛm ni, nidamata a tɔ ba dɛ. Ba funɛ di ba sou sɛria, mu gbanko fun la nɔɔni a nyɛ ba.

Tuma 26:12

“Wuzu digi Koosa dam kɔkɔɔrsi ta fun sɔbi tɔn a nyɛ min di mu kpa la nyɛ Ju tima ba naa nyɛn Damaskus ni. Tɔn ti funɛ ŋɔ ba di ba suŋi min mu la kpaksi Yesu nitiŋɛ ba naa nyɛn dooni.

Tuma 6:9

Ju tim ta bɔnɛ funɛ wau di ba wa nyɛn Jɛrusalɛm ni a li Sairini pulum awa tɔhɔn naa ba yir Alɛzandria ni. Ba yaa yir ba bar lagmi dɛ ‘Yisi nibinsa a ta ba yɔri’ dɛ. Wuzu digi ba wa Ju tima ba naa li Silisia pulum awa Azia pulum ni fun lagmi a di Stivin amɔrɛ.

Tuma 7:19

O fun mur ya nara a nyɛ ba na namsi. Hali o funɛ muksi bau di ba gil ba bichɛsa a ta kɔha ni ba siti.

Tuma 9:14

Lalaknɔ o chiŋi Koosa dam kɔkɔɔrsi ta bar chiŋi ni a wa bar nɔ di o kpaksi ba naa maga kpa i sɔn a jɛɛmi hin.”

Tuma 9:21

Alaazibu fun kpak ba naa maga nu o sɛm ta kinkan. Ba fun ŋɔ dɔŋ ni, “Baal nɔ nyɛ ba naa maga nyɛn Jɛrusalɛm ni a kpa Yesu sɔn a jɛɛmi un, na namsiu kinkan. Lalaknɔwa o wa di o wa kpaksi Yesu nitiŋɛ ba naa nyɛn bar nɔ, a bur kila Koosa dam kɔkɔɔrsi ta wati. Chen mun ya yɛrɛ?”

2 Kɔr. 11:32

Mu funɛ nyɛn Damaskus nɛɛ, gɔbnati nyuhu tiina naa ba funɛ yir Aretas, fun tum o lanjimasa di ba la il tɔhɔn ti nɔɔna a kpak min.

Gal. 1:17

amaa mu fun vaan kaali Arabia pulum. Mu wa fun la di mu la na ba naa funɛ piin ya Yesu nitumɛ ta a li Jɛrusalɛm ni. Mu funɛ nyɛn Arabia ni peti, mu fun bur a kaali Damaskus.